2025 جىلدىڭ 10 قىركۇيەگىندە الماتى قالاسىنىڭ اۋماقتىق سايلاۋ كوميسسيالارى وقۋشىلاردىڭ ءوزىن-وزى باسقارۋ سايلاۋىنا ۇمىتكەر بولعىسى كەلەتىندەرگە ارنالعان شەبەرلىك ساباقتارىن وتكىزدى، دەپ حابارلايدى اqshamnews.kz ءتىلشىسى.
شەبەرلىك ساباقتارى الماتى قالاسى بويىنشا قازاقستان رەسپۋبليكاسى كونستيتۋسياسىنىڭ 30 جىلدىعىنا ارنالعان ءىس-شارالار جوسپارىنا سايكەس ۇيىمداستىرىلدى. شەبەرلىك ساباقتارىنا 9-11 سىنىپتاردىڭ وقۋشىلارىنان قۇرالعان، مەكتەپتەگى ءوزىن-وزى باسقارۋ ۇيىمىنا مۇشە بولۋعا نيەتتى بەلسەندى جاستار قاتىستى.
شارانىڭ باستى ماقساتى – جاستاردىڭ سايلاۋ مادەنيەتىن ارتتىرۋ، سونداي-اق ءوزىن-وزى باسقارۋ ۇيىمىنىڭ ماقساتى مەن مىندەتتەرىن تانىستىرۋ. الماتى قالاسىنداعى مەكتەپ وقۋشىلارىنىڭ ءوزىن-وزى باسقارۋ ۇيىمى ءارتۇرلى پىشىمدە 215 مەكتەپتە ۇيىمداستىرىلعان.
بۇل ۇيىمنىڭ نەگىزگى ماقساتى - وقۋشىلارعا ءوز مۇددەلەرىن ىسكە اسىرۋعا جانە مەكتەپتى باسقارۋعا قاتىسۋعا مۇمكىندىك بەرۋ، ولاردىڭ دەربەستىگىن، جاۋاپكەرشىلىگىن، كوشباسشىلىق قاسيەتتەرى مەن الەۋمەتتىك بەلسەندىلىگىن دامىتۋ بولىپ تابىلادى. بارلىعى 8 شەبەرلىك ساباعى وتكىزىلدى، وعان 346 ادام قاتىستى. وتكىزىلگەن شەبەرلىك ساباقتارى جاستار اراسىندا ۇلكەن قىزىعۋشىلىق تانىتتى.
