گرۋزيالىق عالىم كوروناۆيرۋستى جوياتىن انتيسەپتيك جاساپ شىعاردى

پرەپاراتتىڭ ادام دەنساۋلىعى ءۇشىن كەرى اسەرى جوق

«گرۋزيادا جاسالعان»، «الەمدە العاش رەت». كوروناۆيرۋستان قورعايتىن جاڭا پرەپارات تۋرالى وسى سوزدەردى قولدانۋعا بولادى. عالىم تەيمۋراز كۋرسحاليا كوۆيدتى جوياتىن سۇيىقتىق اياق استىنان جاسالعانىن ايتادى.  بۇل تۋرالى «حابار 24» تەلەارناسى مالىمدەدى، دەپ حابارلايدى Almaty-akshamy.kz.

«ءبىز بىرنەشە جىلدان بەرى بيوحيميا مەن گەنەتيكادا وتە جاقسى زەرتتەلگەن دومالاق قۇرتتار – نەماتودالاردى زەرتتەپ كەلەمىز. ولاردىڭ قۇرامىندا وتە كۇشتى توتىقتاندىرعىش زاتتىڭ بارىن انىقتادىق. بۇل – كىشكەنتاي كاربوكسيل قىشقىلى مەن امين قىشقىلى گليسينى»،-دەيدى مولەكۋليارلى-جاسۋشالى بيولوگيا جانە گەنەتيكا ينستيتۋتىنىڭ پروفەسسورى تەيمۋراز كۋرسحاليا.

پرەپاراتتىڭ ادام دەنساۋلىعى ءۇشىن كەرى اسەرى جوق. زەرتتەۋدىڭ ءبىراز بولىگى گەرمانيادا جاسالعان. «گليپەرا» اتاۋى بەرىلگەن سۇيىقتىق ءۇنىدستانداعى ءىرى زەرتحانالاردىڭ بىرىندەگى سىناقتان ءساتتى وتكىزىلدى. 

«ىس-تاجىريبەلەر ناتيجەسى وتە وڭدى بولدى. «گليپەرا» پرەپاراتى 100 پروسەنت تيىمدىلىگىن كورسەتتى. ول 10 مينۋت ىشىندە بۇكىل ۆيرۋستى ءولتىردى جانە جاسۋشاعا ەش زيان كەلتىرمەدى. ءقازىر بىرنەشە كومپانيامەن كەلىسسوز جاساپ جاتىرمىز. ءۇندىستاندا دا ءوندىرۋىمىز مۇمكىن»،-دەيدى، فارمكومپانيانىڭ باس مەنەدجەرى ۆاحتانگ پاۆلەنيشۆيلي.

«گليپەر» ءقازىردىڭ وزىندە گرۋزيانىڭ ءدارىحانالاردا ۇلكەن سۇرانىسقا يە. ماماندار بۇل پرەپارات ۆيرۋستى پايدا بولا باستاعان ەرتە كەزەڭىندە جويىپ، جۇقتىرۋ دەڭگەيىن ازايتادى دەپ سەنەدى.