سوتتالعانداردى جۇمىسپەن قامتۋ ماقساتىندا 21 مەكەمەمەن شارت جاسالعان
«QAZAQSTAN JASTARY» قوعامدىق قورىنىڭ باستاماسىمەن، الماتى قالالىق «Jas Otan» جاستار قاناتىنىڭ قولداۋىمەن باس بوستاندىعىنان ايىرۋ ورىندارىنان بوساتىلعانداردى الەۋمەتتىك بەيىمدەۋگە قاتىستى دوڭگەلەك ۇستەل ءوتتى.
دوڭگەلەك ۇستەل بارىسىندا سوتتالىپ كەلگەندەردىڭ الەۋمەتتىك جاعدايىن جاقسارتۋ ماقساتىندا قابىلدانعان جوبا بارىسىندا اتقارىلعان جۇمىستار تالقىلاندى.
وتىرىسقا الماتى قالاسى بويىنشا قاج دەپارتامەنتىنە قاراستى پروباسيالىق باقىلاۋ قىزمەتتەرىنىڭ وكىلدەرى جانە مەكەمەلەردىڭ جاساق باستىقتارى ادىلەت مايورى ا. جىلقىبايەۆا، ادىلەت مايورى ق. تۇرلىبەكوۆ، ادىلەت كاپيتانى ب.جاقانوۆ، الماتى قالاسى بويىنشا قاج دەپارتامەنتى سوتتالعانداردىڭ اراسىندا تاربيەلىك، الەۋمەتتىك — پسيحولوگيالىق جۇمىس توبىنىڭ باس مامانى ادىلەت پودپولكوۆنيگى ش. حۋساينوۆا، الماتى قالاسى حالىقتى جۇمىسپەن قامتۋ ورتالىعىنىڭ جۇمىس بەرۋشىلەردى قولداۋ ءبولىمىنىڭ مامانى گ. مەيىربەكوۆا جانە پسيحولوگ ە.تاجيبايەۆ قاتىستى.
دوڭگەلەك ۇستەل بارىسىندا پروباسيا قىزمەتكەرلەرى باس بوستاندىعىنان ايىرۋ ورىندارىنان بوساتىلعان ازاماتتاردى الەۋمەتتىك بەيىمدەۋ بارىسىندا اتقارىلعان جۇمىستار تۋرالى بايانداما جاسادى. باياندامادا پروباسيا ەسەبىندە تۇرعان سوتتالعانداردى جۇمىسپەن قامتۋ ماقساتىندا 21 مەكەمەمەن شارت جاسالعانى جانە 51 پسيحولوگيالىق جانە قۇقىقتىق كەڭەستەر بەرىلگەنىن اتاپ ءوتتى.
دوڭگەلەك ۇستەل سوڭىندا جوبانى تالقىلاۋشىلار ەركىن پىكىر الماسىپ، قاجد قىزمەتكەرلەرى جوبا اۆتورلارىنا كەلەر جىلى اتقارۋعا ءتيىستى ءىس-شارالار جوسپارىن ۇسىندى جانە اتالعان جوبانىڭ ارتىقشىلىعى مەن جەتىلدىرەتىن تۇستارىنا توقتالدى.