«توبىل» فۋتبول كومانداسى قازاقستان چەمپيونى اتاندى

بيىلعى دوپ دوداسىندا باس جۇلدە قوستانايدىڭ «توبىل» كومانداسىنا بۇيىردى

فۋتبولدان پرەمەر-ليگا كوماندالارى اراسىنداعى ەل بىرىنشىلىگى مارەسىنە جەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بيىلعى دوپ دوداسىندا باس جۇلدە قوستانايدىڭ «توبىل» كومانداسىنا بۇيىردى.

قوستانايلىق كلۋب سوڭعى تۋردا ورالدا «اقجايىقتى» 2:0 ەسەبىمەن تىزە بۇكتىردى. چەمپيوندىقتان تاعى ءبىر ۇمىتكەر - ەلوردانىڭ «استاناسى» ءوز الاڭىندا تۇركىستاننىڭ «تۇرانىمەن» 1:1 ەسەبىنە قاناعات ءبىلدىردى. 

ال ۇزدىك ۇشتىكتى تۇيىندەگەن الماتىنىڭ «قايراتى» سىرت الاڭدا تالدىقورعاننىڭ «جەتىسۋىمەن» 0:0 ەسەبىمەن تەڭ ءتۇستى. 
ءتورتىنشى ورىن ءۇشىن تالاستا پەتروپاۆلدىڭ «قىزىلجارى» شىمكەنتتىڭ «ورداباسى» كلۋبىن 3:2 ەسەبىمەن ءسۇرىندىردى. ناتيجەسىندە ءتورتىنشى ورىن پەتروپاۆلدىق كومانداعا بۇيىردى. 

سونداي-اق بۇگىن سىرت الاڭدا قىزىلوردانىڭ «قايسارى» «تارازدى» 2:1، اقتاۋدىڭ «كاسپيى» «اقتوبەنى» 5:1 ەسەبىمەن تىزە بۇكتىردى. 
ال قاارعاندىدا «شاحتەر» «اتىراۋدى» 3:1 ەسەبىمەن جەڭدى. ەندى قازاقستان كۋبوگى جارتىلاي فينال ويىندارى وتەدى. 

جارىستىڭ اتالعان ساتىسىندا «استانا» مەن «قايرات»، «توبىل» مەن «شاحتەر» كەزدەسەدى. 
كوماندالار 1/2 فينال ويىندارىن 6 جانە 20 قاراشا كۇندەرى وتكىزەدى. 

فينال 28 قاراشاعا بەلگىلەنگەن.