وق اتقان ادام وقيعا ورنىنا ارنايى جاساق جەتكەندە وز-وزىنە قول سالدى.
گرۋزيانىڭ ىشكى ىستەر مينيسترلىگى وتكەن ءتۇنى ساگارەدجو قالاسىندا بولعان اتىس سالدارىنان كاحەتيا پوليسيا ءبولىمىنىڭ اۋداندىق ءبولىمىنىڭ اعا جەدەل ۋاكىلى، پوليسيا اعا لەيتەنانتى، 38 جاستاعى وتار گۆيناشۆيليدىڭ قازا تاپقانىن راستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وقيعا ورنىنا العاشقىلاردىڭ ءبىرى بولىپ جەتكەن ول ءوز پاتەرىنىڭ بالكونىنان كوشەدەگى ادامدارعا وق اتقان بۇرىنعى اسكەري قىزمەتكەردىڭ قولىنان قازا تاپتى.
ىشكى ىستەر مينيسترلىگى مارقۇمنىڭ وتباسىنا قايعىرىپ كوڭىل ايتادى.
قىلمىستىڭ سەبەپتەرى ازىرگە بەلگىسىز. 49 جاستاعى نودار اتۋاشۆيلي تۇنگى ساعات ءبىر شاماسىندا اۋلادا تۇرعان كورشىلەرىنە اۆتوماتتان وق جاۋدىرعان. وقيعا ورنىندا بەس ادام قازا تاۋىپ، تاعى بەس ادام جاراقات الدى.
ىشكى ىستەر مينيسترلىگىنىڭ مالىمەتىنشە، وق اتقان ادام وقيعا ورنىنا ارنايى جاساق جەتكەندە وز-وزىنە قول سالدى.