قىزىل جالىن ءۇيدىڭ 100 شارشى مەتر اۋماعىن شارپىدى
جەتىسۋ وبلىسىندا گاز باللونى جارىلىپ، 4 ادام زارداپ شەكتى. ونىڭ ەكەۋىنىڭ جاعدايى اۋىر، جانساقتاۋ بولىمىندە جاتىر، دەپ حابارلايدى Almaty-akshamy.kz.
66 جانە 42 جاستاعى ايەلدەردىڭ دەنەسىنىڭ 40-50 پايىزىن كۇيىك شالعان. ال تاعى 61 جاستاعى ەر ادام مەن 3 جاستاعى بالانىڭ جاعدايى ورتاشا اۋىر. ولاردىڭ قول-اياقتارى كۇيگەن.
«20 قاڭتاردا ساعات 13:36-دا جەتىسۋ وبلىسى قاراتال اۋدانى ۇشتوبە قالاسىنداعى جەكە تۇرعى ءۇيدىڭ بىرىندە كولەمى 5 ل گاز باللونى جارىلدى. سالدارىنان قىزىل جالىن ءۇيدىڭ 100 شارشى مەتر اۋماعىن شارپىدى. زارداپ شەككەن ءتورت ادام، ونىڭ ىشىندە ءبىر بالا اۋرۋحاناعا جاتقىزىلدى. جەتىسۋ وبلىسى تجد بەس قىزمەتكەرى جانە ەكى تەحنيكاسىنىڭ كۇشىمەن ءورت ساعات 14.15-تە ءسوندىرىلدى»،- دەلىنگەن جەتىسۋ وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنىڭ حابارلاماسىندا.
جارىلىستىڭ الدىن-الا سەبەبى - قاتتى وتىنمەن جىلىتىلاتىن پەشتىڭ جانىنا 5 ليترلىك گاز باللونىن جىلىتۋعا قويعان.
«تجد ازاماتتاردى ءورت قاۋىپسىزدىگى ەرەجەلەرىن ساقتاۋعا جانە گاز باللونداردى جىلىتۋ پەشتەرىنىڭ جانىندا جانە باسقا دا جىلدام قىزدىرۋ تاسىلدەرى ارقىلى جىلىتپاۋعا شاقىرادى»، - دەلىنگەن حابارلامادا.