گرەكيانىڭ كاۆالا قالاسىنداعى پانگەون تاۋىندا 22 تامىزىندا باستالعان ورمان ءورتىن بۇگىنگى كۇنگە دەيىن اۋىزدىقتاي الار ەمەس، دەپ حابارلايدى aqshamnews.kz.
گرەكيانىڭ سولتۇستىك-شىعىسىنداعى پانگەون تاۋىنىڭ شالعاي ايماعىنداعى ورمان ءورتى جەتىنشى كۇن قاتارىنان ءورشىپ تۇرعانى اتاپ ءوتىلدى. جالىندى وشىرۋگە 280 ءورت ءسوندىرۋشى، 46 ءورت ءسوندىرۋ تەحنيكاسى، 3 تىكۇشاق پەن 3 ۇشاق جۇمىلدىرىلعان. بۇگىنگى تاڭدا 13 مىڭ گەكتارعا جۋىق ورمان وتقا ورانعان.
"ءورت 22 تامىزدا اۆگو شىڭىنىڭ ەتەگىندەگى ورماندى القاپتا، 1500 مەتردەن استام بيىكتىكتە تۇتانعان"، - دەلىنگەن حابارلامادا.
ەۋروپا وداعىنىڭ Copernicus كليماتتىڭ وزگەرۋى جونىندەگى قىزمەتىنىڭ مالىمەتتەرى بويىنشا، ءورت سەيسەنبى كۇنى تۇستەن كەيىن 13،41 شارشى شاقىرىم اۋماقتى قامتىدى.