قايىرىمدىلىق – ادامزات بويىنداعى ەرەكشە ءبىر ىزگى قاسيەت. ولاي دەيتىنىمىز ىزگىلىكتىڭ ءوزى – ادامنىڭ ادامعا دەگەن تازا نيەتى مەن ءبىر - بىرىنە دەگەن سۇيىسپەنشىلىك كومەگى. جاقسىلىق جاساۋ - يماندىلىقتىڭ، تاربيەلىلىكتىڭ، پاراساتتىلىقتىڭ ايقىن كورىنىسى. قايىرىمدىلىق جاساساڭ، قايىرىن ءوزىڭ كورەسىڭ - دەيدى دانا حالقىمىز. وسىعان وراي قازىرگى تاڭدا ەلىمىزدە ءتۇرلى ءىس-شارالار مەن يگىلىكتى ىستەر، اكسيالار، قايىرىمدىلىق قورلارى ارقىلى قول ۇشىن سوزاتىن ىزگى جاندار سانى ارتۋدا. سونىڭ ءبىرى - جاڭا وقۋ جىلى الدىندا وقۋشىلاردىڭ الاڭسىز ءبىلىم الۋىنا «مەكتەپكە جول» رەسپۋبليكالىق اكسيانىڭ داستۇرگە اينالعانى بارشامىزعا ايان. اكسيا بارىسىندا وقۋشىلاردىڭ تولىق ءتىزىمى جاسالىپ، الەۋمەتتىك تۇرمىسى تومەن ، از قامتىلعان وتباسىنان شىققان كوپ بالالى ءبىلىم الۋشىلار سانى انىقتالىپ، شارا اياسىندا ءارتۇرلى كومەك كورسەتىلىپ جاتىر.
قايىرىمدىلىق جاساۋ - ءار ادامنىڭ قولىنان كەلەتىن ءىس. ءاربىر جاسالعان ىستە ىزگىلىك، مەيىرىمدىلىك، ادامگەرشىلىك، قاسيەتتەردىڭ كورىنىس تابارى ءسوزسىز. جانىڭدا جۇرگەن جاندارعا قۋانىش سىيلاپ، جۇرەك جىلۋىن بەرە بىلگەننىڭ ءوزى - قازاق حالقىنا ءتان، ۇلتتىق قاسيەتىڭىز بەن كورەگەندىگىڭىزدىڭ جەمىسى دەپ ءبىلىڭىز. وسىنىڭ ايعاعى رەتىندە الماتى قالاسى، اۋەزوۆ اۋدانى «№173 مەكتەپ-ليسەي» ۇجىمى مەن اتا-انالارى دا بىرنەشە بالالارعا قۋانىش سىيلاپ، اكسياعا ءوز ۇلەستەرىن قوسىپ، كوپشىلىك العىسىنا يە بولىپ وتىر.
01.08.2024 جىلى №203 مەكتەپىشىلىك بۇيرىقپەن جۇمىستار جاسالۋدا.
مەكتەبىمىزدە دەمەۋشىلەردەن 286.000 تەڭگە كولەمىندە كومەك كورسەتىلدى.
ولار:
6 وقۋشىعا 35.000 تەڭگەگە «گلاسمان» دۇكەنىنەن مەكتەپ فورماسى بەرىلدى.
1 وقۋشىعا 35.000 تگ مەكتەپ فورماسىنا دەپ قارجىلاي كومەك بەرىلدى.
1 وقۋشىعا 20.000 تگ مەكتەپكە سومكە مەن ىشىندە كەڭسە زاتتارىنا دەپ قارجىلاي كومەك بەرىلدى.
3 وقۋشىعا 21.000 تەڭگە كولەمىندە سومكە مەن ساباققا قاجەتتى داپتەر مەن قالامساپتارى بەرىلدى.
سونىمەن بۇگىنگى كۇنى 11 وقۋشىعا كومەك كورسەتىلىپ، ەسەبى شىعارىلدى. رەسپۋبليكالىق اكسيا ءالى دە ءوز جالعاسىن تابۋدا.
كومەككە ءزارۋ جاندارعا قۋانىش سىيلاپ، ەل العىسىنا بولەنۋ دە جىلى جۇرەكتەن شىققان ادەمى كورىنىستىڭ ءبىرى ەمەسپە؟ ءاربىر جاسالعان ءىستىڭ ارتىندا قايىرى بار دەمەكشى، جاقسىلىق جاسايتىن جاندار ءارقاشان ارامىزدان تابىلىپ جاتقانى قۋانتارلىق جاعداي. جىلى ءسوز بەن مەيىرىمگە مۇقتاج جانداردىڭ جانىنا شۋاق شاشىپ، كوڭىلدەرىنە كوتەرىڭكى كوڭىل-كۇي سىيلاپ جاتساق نۇر ۇستىنە نۇر بولار ەدى. ءاربىر ادام كىشىپەيىل دە ءادىل، قايىرىمدى بولۋى ءتيىس. اينالامىزعا ىزگىلىك نۇرىن شاشىپ، سىي-سياپات كورسەتۋ – ادامگەرشىلىكتىڭ ەڭ ۇلكەن قۇندى قاسيەتى ەكەنىن ۇرپاقتان – ۇرپاققا ۇلگى ەتە وتىرىپ، ەل العىسىنا بولەنۋدەن ارتىق سىي جوق ەكەندىگىن جەتكىزە الساق ۇلكەن يگىلىكتى ءىستىڭ شىڭىنا جەتۋ دەپ تۇسىنەمىن.