ءبىلىم بەرۋ نەسيەلەرىنىڭ تەتىگى قايتا ىسكە قوسىلادى.
ق ر عىلىم جانە جوعارى ءبىلىم مينيسترلىگى ءبىلىم گرانتىن الماعان ستۋدەنتتەرگە قوسىمشا قارجىلاي قولداۋ كورسەتۋ مۇمكىندىگىن قاراستىرىپ جاتىر، دەپ حابارلايدى Almaty-akshamy.kz
عىلىم جانە جوعارى ءبىلىم ءمينيسترى ساياسات نۇربەك ءبىلىم سالاسىنا بولىنەتىن گرانتتار سانى جىل سايىن ارتىپ كەلە جاتقانىن ايتتى. بيىلدىڭ وزىندە 88 مىڭ ءبىلىم گرانتى ءبولىندى. دەگەنمەن بۇل جەتكىلىكسىز.
«ءبىز گرانتتاردى سارالاۋدى ۇسىنامىز. مىسالى، 100% ەمەس، مىسالى، 75%، 70%، 50% گرانت الاتىنداي ۇسىنامىز. بىرلەسىپ قارجىلاندىرىپ، اۋىرتپالىقتى جەڭىلدەتە الاتىن ادامداردى كوبەيتۋ ءۇشىن جاسايمىز»، – دەدى ساياسات نۇربەك عىلىم جانە جوعارى ءبىلىم فورۋمى اياسىندا.
مينيسترلىك تولىق گرانتتى (تولىق گرانت، 100% قارجىلاندىرۋ) الا الماعان ستۋدەنتتەردى قوسىمشا قولداۋ شارالارى تۋرالى ايتىپ وتىر.
«وسى جانە الدىڭعى جىلدارى بەرىلگەن گرانتتار 100% قارجىلاندىرۋ دەڭگەيىندە قالادى. سونىمەن قاتار تولىق گرانتتاردىڭ جالپى سانى كەلەسى جىلدارعا ساقتالادى. ونىڭ ۇستىنە ولاردىڭ سانى ارتادى. تولىق گرانت الا الماعان ازاماتتاردى قولداۋدىڭ قوسىمشا شارالارى تۋرالى ايتىپ وتىرمىز. ولار ادەتتە اقىلى وقۋعا بارادى، مۇنداي جاستار ءۇشىن وقۋ قۇنىنىڭ 75%، 50% كولەمىندە بىرلەسكەن قارجىلاندىرۋدى تارتۋ مۇمكىندىكتەرى زەرتتەلىپ جاتىر»، - دەپ ءتۇسىندىردى عىلىم جانە جوعارى ءبىلىم ءمينيسترى.
سونىمەن قاتار مەملەكەتتىك ءبىلىم بەرۋ جيناقتاۋ جۇيەسى مەن ءبىلىم بەرۋ نەسيەلەرىنىڭ تەتىگى قايتا ىسكە قوسىلادى.
- قارجى وششششرتالىعى جاڭا جەڭىل فورماتتى ىسكە قوسادى. ويتكەنى گرانتقا ىلىنبەگەندەرگە مۇمكىندىك بەرۋىمىز كەرەك. ولار سونىمەن بىرگە مەملەكەتتىك كومەك پەن وقۋ اقىسىن «سوزۋعا» ءتيىس. بۇل كەلەسى جىلى بولادى، - دەپ قوستى مينيستر.