50 جاتتىقتىرۋشى PISA كورسەتكىشتەرىن جاقسارتۋ ءۇشىن سينگاپۋر ادىستەمەسى بويىنشا دايىندىقتان وتۋدە.
جەتىسۋ اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ جاڭا ءبىلىم بەرۋ ادىستەمەلەرىن، ونىڭ ىشىندە سينگاپۋرلىق – Marshall Cavendish ادىستەمەسىن ەنگىزۋ تۋرالى سۇراققا جاۋاپ بەردى.
بەلگىلى بولعانداي،بيىل مامىر-جەلتوقسان ايلارى ارالىعىندا ەىدۇ (ەكونوميكالىق ىنتىماقتاستىق جانە دامۋ ۇيىمى) ستاندارتتارىن قولدانا وتىرىپ، 50 PISA جاتتىقتىرۋشى بىلىمدەرىن جەتىلدىرەتىن بولادى.
"ىسكەرلىك ءىسساپارلارعا جىبەرىلگەن دەلەگاسيالار تيىمدىلىكتى ارتتىرۋ ءۇشىن 12-14 ساعات دايىندىقتان وتۋدە. نەلىكتەن ءبىز ءقازىر 50 كوۋچ-جاتتىقتىرۋشىنى ازىرلەۋدەمىز؟ ءبىز PISA كورسەتكىشتەرىن جاقسارتۋ ءۇشىن 2025 جىلعا دايىندالىپ جاتىرمىز. جالپى، الماتىداعى مەكتەبىندەگى ءبىلىم ەلدەگى جاقسى ءبىلىم ەكەنىن ايتقىم كەلەدى"، - دەدى قالا باسشىسى.
PISA-بۇل ءارتۇرلى ەلدەردەگى وقۋشىلاردىڭ فۋنكسيونالدىق ساۋاتتىلىعىن جانە تەوريالىق ءبىلىمدى پراكتيكادا قولدانا ءبىلۋىن باعالاۋعا مۇمكىندىك بەرەتىن حالىقارالىق تەستىلەۋ.
قىركۇيەك ايىندا 14 PISA قۇزىرەتتىلىك ورتالىقتارىندا تابىستى مەكتەپ مودەلى – School Excellence Model ەنگىزىلەدى. الداعى وقۋ جىلىنىڭ باسىندا الماتىنىڭ بارلىق مەملەكەتتىك مەكتەپتەرىندە PISA Artificial Intelligence پلاتفورماسى ىسكە اسادى.
PISA-2022 حالىقارالىق زەرتتەۋىنىڭ قورىتىندىسى بويىنشا الماتىلىق وقۋشىلار قازاقستان بويىنشا ءبىرىنشى ورىندى يەلەندى.