ماماندار زەرتتەۋ ءۇشىن فارماسيەۆتەرمەن جۇمىس ىستەيتىنىن مالىمدەدى.
كوبىنەسە دارىگەرلەردىڭ دارى-دارمەك رەسەپتتەرىن جازعان قاعازى قاراپايىم ادامدار ءۇشىن تۇسىنىكسىز بولىپ جاتادى. بۇل، اسىرەسە، پاسيەنتتەرگە ءدارىحانالاردان پرەپاراتتى ساتىپ الاردا قيىندىق تۋدىرادى. Google كومپانياسى بۇل ماسەلەنى شەشكىسى كەلەتىنىن ايتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
19 جەلتوقساندا ءۇندىستاندا جىل سايىن وتەتىن كونفەرەنسيادا IT الىبى دارىگەرلەردىڭ جازۋىن ءتۇسىنۋ جولدارىن زەرتتەۋ ءۇشىن فارماسيەۆتەرمەن جۇمىس ىستەيتىنىن مالىمدەدى.
ءقازىر قولدانبانىڭ ءپروتوتيپى بار. ءبىراق ول بارىنە پايدالانۋعا دايىن ەمەس. تەك Google Lens كومەگىمەن رەسەپتتى سۋرەتكە تۇسىرۋگە نەمەسە ونى فوتوگالەرەيادان جۇكتەپ الۋعا مۇمكىندىك بەرەدى. قولدانبا سۋرەتتى وڭدەگەننەن كەيىن قاجەت دارى-دارمەكتەردى انىقتاپ، اتىن اتايدى.
قولدانبا فارماسيەۆت سياقتى ادامداردىڭ جۇمىسىن تولىقتىرىپ، قولمەن جازىلعان مەديسينالىق قۇجاتتاردى سيفرلاندىرۋ ءۇشىن كومەكشى تەحنولوگيا رەتىندە پايدالانىلادى. دەگەنمەن، شەشىم تەك وسى تەحنولوگيامەن الىنعان ناتيجەلەر نەگىزىندە قابىلدانبايدى.