جالپىعا بىردەي دەكلاراسيالاۋدىڭ ەكىنشى كەزەڭى ءبىرىنشى قاڭتاردا باستالادى
وڭىرلىك كوممۋنيكاسيالار قىزمەتى الاڭىنا الماتى قالاسى مەملەكەتتىك كىرىستەر دەپارتامەنتى وندىرىستىك ەمەس تولەمدەر باسقارماسىنىڭ باسشىسى قۋانىش تۇمەنبايەۆ شاقىرىلدى. ول 2023 جىلدىڭ 1 قاڭتارىنان باستاپ جالپىعا بىردەي دەكلاراسيالاۋدىڭ ەكىنشى كەزەڭى باستالاتىنىن ايتتى. مەگاپوليستە مەملەكەتتىك مەكەمەلەر مەن كۆازيمەملەكەتتىك مەكەمەلەردىڭ 100 مىڭنان استام قىزمەتكەرى جانە ولاردىڭ جۇبايلارى اكتيۆتەر مەن مىندەتتەمەلەر جونىندەگى دەكلاراسيانى تاپسىرادى، دەپ حابارلايدى اlmaty-akshamy.kz.
قۋانىش تۇمەنبايەۆ قازاقستاندا جالپىعا بىردەي دەكلاراسيالاۋ 2021 جىلعى 1 قاڭتاردان باستاپ ەنگىزىلگەنىن جانە ونىڭ 4 كەزەڭدە وتەتىنىن ەسكە سالدى.
«2021 جىلدىڭ 1 قاڭتارىنان باستاپ مەملەكەتتىك قىزمەتشىلەر مەن ولارعا تەڭەستىرىلگەن تۇلعالار ءۇشىن جالپىعا بىردەي دەكلاراسيانى ەنگىزۋدىڭ ءبىرىنشى كەزەڭى باستالدى. 2023 جىلدان باستاپ مەملەكەتتىك مەكەمەلەر مەن كۆازيمەملەكەتتىك سەكتوردىڭ قىزمەتكەرلەرى مەن ولاردىڭ جۇبايلارى، 2024 جىلدان باستاپ زاڭدى تۇلعالاردىڭ باسشىلارى مەن قۇرىلتايشىلارى، سونداي-اق جەكە كاسىپكەرلەر مەن ولاردىڭ جۇبايلارى، 2025 جىلدان باستاپ ازاماتتاردىڭ قالعان ساناتتارى دەكلاراسيا تاپسىرا باستايدى، ياعني، ەلدىڭ بارلىق ەرەسەك تۇرعىندارى»، - دەدى وكق سپيكەرى.
ول مەملەكەتتىك مەكەمەلەر ساناتىنا تەك بيۋدجەت ەسەبىنەن ۇستالاتىن مەكەمەلەر قارايتىنىن ايتتى (دەنساۋلىق ساقتاۋ، مادەنيەت، سپورت، ءبىلىم بەرۋ، مەكتەپكە دەيىنگى ءبىلىم بەرۋ سالاسىن جانە ت.ب قوسا العاندا). ال كۆازيمەملەكەتتىك سەكتور-بۇل مەملەكەتتىڭ قاتىسۋىمەن قۇرىلعان قۇرىلىم. كۆازيمەملەكەتتىك سەكتور سۋبەكتىلەرى-بۇل مەملەكەتتىك كاسىپورىندار، جاۋاپكەرشىلىگى شەكتەۋلى سەرىكتەستىكتەر، اكسيونەرلىك قوعامدار، ونىڭ ىشىندە مەملەكەت قاتىسۋشىسى نەمەسە اكسيونەرى بولىپ تابىلاتىن ۇلتتىق باسقارۋشى حولدينگتەر، ۇلتتىق حولدينگتەر، ۇلتتىق كومپانيالار، سونداي-اق ق ر زاڭنامالىق اكتىلەرىنە سايكەس ولارمەن ۇلەستەس بولىپ تابىلاتىن ەنشىلەس، تاۋەلدى جانە وزگە دە زاڭدى تۇلعالار.
بۇگىنگى تاڭدا الماتى قالاسى بويىنشا مەملەكەتتىك مەكەمەلەر قىزمەتكەرلەرىنىڭ، سونداي-اق كۆازيمەملەكەتتىك سەكتور سۋبەكتىلەرىنىڭ سانى 100 مىڭنان استام ادامدى قۇرايدى.
الماتى مكد وكىلى اكتيۆتەر مەن مىندەتتەمەلەر تۋرالى دەكلاراسيادا قالاي كورسەتىلۋى ءتيىس ەكەنىن ايتتى.
1. قازاقستان رەسپۋبليكاسىنان تىس جەرلەردەگى مۇلىكتەر:
• جىلجىمايتىن مۇلىك، جەر ۋچاسكەلەرى جانە (نەمەسە) جەر ۇلەستەرى، اۋە جانە تەڭىز كەمەلەرى، ىشكى سۋدا ءجۇزۋ كەمەلەرى، "وزەن-تەڭىز"ءجۇزۋ كەمەلەرى؛
• كولىك قۇرالدارى، ارنايى تەحنيكا جانە (نەمەسە) تىركەمەلەر؛
• قازاقستان رەسپۋبليكاسىنان تىس جەرلەردەگى شەتەلدىك بانكتەردەگى بانكتىك شوتتارداعى اقشا بارلىق بانكتىك سالىمدار بويىنشا رەسپۋبليكالىق بيۋدجەت تۋرالى زاڭدا بەلگىلەنگەن جانە ەسەپتى سالىق كەزەڭىنىڭ 31 جەلتوقسانىنا قولدانىستا بولعان ايلىق ەسەپتىك كورسەتكىشتىڭ 1000 ەسەلەنگەن مولشەرىنەن جيىنتىق اساتىن سومادا؛
• قازاقستان رەسپۋبليكاسىنان تىس جەردە قۇرىلعان زاڭدى تۇلعانىڭ جارعىلىق كاپيتالىنا قاتىسۋ ۇلەسى.
2. قازاقستان رەسپۋبليكاسىندا دا، ودان تىس جەرلەردە دە مۇلىك:
• تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا تۇرعىن عيماراتتاعى ۇلەسى؛
• باعالى قاعازدار، تۋىندى قارجى قۇرالدارى (ورىندالۋى بازالىق اكتيۆتى ساتىپ الۋ نەمەسە وتكىزۋ جولىمەن جۇزەگە اسىرىلاتىن تۋىندى قارجى قۇرالدارىن قوسپاعاندا)؛
• ينۆەستيسيالىق التىن؛
• زياتكەرلىك مەنشىك، اۆتورلىق قۇقىق وبەكتىلەرى؛
• رەسپۋبليكالىق بيۋدجەت تۋرالى زاڭدا بەلگىلەنگەن جانە جەكە تۇلعانىڭ اكتيۆتەرى مەن مىندەتتەمەلەرى تۋرالى دەكلاراسيا تابىس ەتىلگەن جىلدىڭ الدىنداعى جىلدىڭ 31 جەلتوقسانىندا قولدانىستا بولاتىن ايلىق ەسەپتىك كورسەتكىشتىڭ 10000 ەسەلەنگەن مولشەرىنەن اسپايتىن سومادا كورسەتىلەتىن قولما-قول اقشا؛
• بانكتەرگە جانە بانك وپەراسيالارىنىڭ جەكەلەگەن تۇرلەرىن جۇزەگە اسىراتىن ۇيىمدارعا بەرەشەكتى قوسپاعاندا، مىندەتتەمەنىڭ نەمەسە تالاپتىڭ تۋىنداۋىنا نەگىز بولىپ تابىلاتىن نوتاريات كۋالاندىرعان (كۋالاندىرىلعان) شارت نەمەسە وزگە قۇجات بولعان كەزدە جەكە تۇلعانىڭ جەكە تۇلعا الدىنداعى بەرەشەگى (دەبيتورلىق بەرەشەك) جانە (نەمەسە) جەكە تۇلعانىڭ باسقا تۇلعالار الدىنداعى بەرەشەگى (كرەديتورلىق بەرەشەك) قازاقستان رەسپۋبليكاسىنىڭ قازاقستان رەسپۋبليكاسىنداعى بانكتەر جانە بانك قىزمەتى تۋرالى زاڭناماسىمەن؛
• جەكە تۇلعانىڭ قالاۋى بويىنشا باعالاۋشى مەن سالىق تولەۋشى اراسىنداعى شارت بويىنشا جۇرگىزىلگەن باعالاۋ تۋرالى ەسەپتە ايقىندالعان قۇن بولعان كەزدە، وسى مۇلىكتىڭ بىرلىگى ءۇشىن رەسپۋبليكالىق بيۋدجەت تۋرالى زاڭدا بەلگىلەنگەن جانە ەسەپتى سالىق كەزەڭىنىڭ 31 جەلتوقسانىندا قولدانىستا بولعان ايلىق ەسەپتىك كورسەتكىشتىڭ 1000 ەسەلەنگەن مولشەرىنەن اسقان جاعدايدا، باسقا مۇلىك كورسەتىلۋى مۇمكىن قازاقستان رەسپۋبليكاسىنىڭ باعالاۋ قىزمەتى تۋرالى زاڭناماسىنا سايكەس. باسقا مۇلىككە مەملەكەتتىك نەمەسە وزگە تىركەۋگە جاتاتىن مۇلىك، سونداي-اق قۇقىقتار جانە (نەمەسە) مامىلەلەر مەملەكەتتىك نەمەسە وزگە تىركەۋگە جاتاتىن مۇلىك جاتپايدى.
وسىلايشا، اكتيۆتەر مەن مىندەتتەمەلەر تۋرالى دەكلاراسيا (250.00-نىسان) دەكلاراسيالاۋ جۇيەسىنە كىرگەن كۇنگە جيناقتالعان اكتيۆتەر مەن مىندەتتەمەلەردى تىركەۋ ءۇشىن ۇسىنىلادى. بۇل رەتتە قازاقستان رەسپۋبليكاسىنىڭ ۋاكىلەتتى ورگاندارىندا تىركەلگەن جىلجىمايتىن مۇلىك پەن كولىك قۇرالدارى تۋرالى مالىمەتتەر دەكلاراسيادا كورسەتىلمەۋى ءتيىس.
اكتيۆتەر مەن مىندەتتەمەلەر تۋرالى دەكلاراسيانى ۇسىنۋ تاسىلدەرى:
دەكلاراسيانى "سالىق تولەۋشىنىڭ كابينەتى" ارقىلى ەلەكتروندى تۇردە بەرۋگە بولادى (cabinet.salyk.kz)، "ەلەكتروندىق ۇكىمەت" پورتالى (egov.kz)، سونداي-اق esalyq azamat ءموبيلدى قوسىمشاسى ارقىلى 15 قىركۇيەككە دەيىن. ال قاعاز تاسىعىشتا مەرزىم ۇسىنۋ 15 شىلدەگە دەيىن.
اكتيۆتەر مەن مىندەتتەمەلەر تۋرالى دەكلاراسيانى ۇسىنباعانى ءۇشىن اكىمشىلىك جاۋاپكەرشىلىك
"اكىمشىلىك قۇقىق بۇزۋشىلىق تۋرالى" قازاقستان رەسپۋبليكاسى كودەكسىنىڭ 272 – بابىنىڭ 1-تارماعىنا سايكەس اكتيۆتەر مەن مىندەتتەمەلەر تۋرالى دەكلاراسيانى قازاقستان رەسپۋبليكاسىنىڭ زاڭنامالىق اكتىلەرىندە بەلگىلەنگەن مەرزىمدە ۇسىنباۋ-الدىن الا ەسكەرتۋگە اكەپ سوعادى.
بۇل رەتتە، "اكىمشىلىك قۇقىق بۇزۋشىلىق تۋرالى" قازاقستان رەسپۋبليكاسى كودەكسىنىڭ 272 - بابىنىڭ 2-تارماعىنا سايكەس اكىمشىلىك جازا قولدانىلعاننان كەيىن ءبىر جىل ىشىندە قايتالاپ جاسالعان ارەكەتتەر-15 ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى.
جالپىعا بىردەي دەكلاراسيالاۋ بويىنشا سۇراقتار تۋىنداعان جاعدايدا جەكە تۇلعالار 1414 ءنومىرى بويىنشا ءبىرىڭعاي بايلانىس ورتالىعىنان كەڭەس الا الادى.