بوكسشى سپورتتاعى مانسابىن اياقتاۋعا جاقىن قالدى
قازاقستاندىق بوكسشى، ورتا سالماقتاعى الەم چەمپيونى گەنناديي گولوۆكيننىڭ قارجىلىق جاعدايى بەلگىلى بولدى. بۇل تۋرالى امەريكالىق جۋرناليست اللان فوكس مالىمدەدى.
ول بۇل اقپاراتتى Celebrity Net Worth دەرەكتەرىنە سۇيەنىپ ايتىپ وتىر، دەپ حابارلايدى Almaty-akshamy.kz ەكسپرەسس ك-عا سىلتەمە جاساپ.
Boxingnews24.com ءجۋرناليسى اللان فوكستىڭ ايتۋىنشا، گولوۆكين 2020 جىلدىڭ جەلتوقسان ايىنان بەرى رينگكە شىقپاعان. مۇنىڭ سەبەبىن تانىمال جۋرناليست ونىڭ قارجىلىق جاعدايىمەن تۇسىندىرەدى.
«گولوۆكيننىڭ ارەكەتسىزدىگى ونىڭ تانىمالدىلىعىنا ايتارلىقتاي نۇقسان كەلتىردى. ءبىراق ول GGG ءۇشىن قالاي اسەر ەتىپ جاتقانىن بىلمەيمىن. گەنا سپورتتاعى مانسابىن اياقتاۋعا جاقىن قالدى. دەگەنمەن قولعابىن شەگەگە ىلمەس بۇرىن بىرنەشە جەكپە-جەك وتكىزسە دۇرىس ءارى الەمدى تاڭ قالدىرار ەدى. Celebrity Net Worth دەرەكتەرى بويىنشا، گولوۆكيننىڭ ەسەپشوتىندا 30 ميلليون دوللار بار. ەگەر گولوۆكيننىڭ مۇنداي بايلىعى بولماسا، ول باياعىدا قاتارعا ورالار ەدى»، — دەيدى اللان فوكس.
گولوۆكين 2022 جىلدىڭ كوكتەمىندە WBA Super الەم چەمپيونى ريوتا مۋراتاعا قارسى جەكپە-جەك وتكىزەتىنىن ايتا كەتەيىك.