الەۋمەتتىك جەلىلەرگە مونيتورينگ جۇرگىزۋ بارىسىندا مەدەۋ اۋدانى، وبسەرۆاتوريا كوشەسى، 5ا مەكەنجاي بويىنشا الما باقتارىن كەسۋگە قاتىستى اقپارات انىقتالدى، دەپ حابارلايدى اlmaty-akshamy.kz.
الماتى قالاسى جاسىل ەكونوميكا باسقارماسىنىڭ قىزمەتكەرلەرى مەدەۋ اۋداندىق پوليسيا باسقارماسىمەن، سونداي-اق مامانداندىرىلعان تابيعات قورعاۋ پروكۋراتۋراسىمەن بىرلەسىپ، جەدەل وقيعا ورنىنا باردى. تەكسەرۋگە بارعان كەزدە 21 الما اعاشىنىڭ كەسىلگەنى راستالدى. وسىعان بايلانىستى تەكسەرۋ اكتىسى جاسالىپ، 500 اەك شىعىن ەسەپتەلىپ، ءتيىستى شارالار قابىلداۋ ءۇشىن پوليسيا دەپارتامەنتىنە حات جولداندى.
مەدەۋ اۋداندىق انىقتاۋ ءبولىمى ق ر قك 340-بابى بويىنشا "اعاشتار مەن بۇتالاردى زاڭسىز كەسۋ، جويۋ نەمەسە ءبۇلدىرۋ" بويىنشا قىلمىستىق ءىس قوزعادى.
قوزعالعان ءىس بويىنشا كىناسىن تولىق مويىنداعان كەزدە، جاسىل ەكپەلەردى قورعاۋ قاعيدالارى بويىنشا وسىنداي بۇزۋشىلىق ءۇشىن جالپى پايدالانىلاتىن جەرلەردە كەسىلگەن اعاشتىڭ وتەۋىنە 1050 اعاش وتىرعىزۋ كوزدەلگەن.