جاسوسپىرىمدەر اراسىنداعى V ازيا پارا ويىندارىندا قازاقستاننىڭ گولبولدان ۇلتتىق قۇراماسى تاريحي جەتىستىككە قول جەتكىزىپ، العاش رەت التىن مەدال يەلەندى، - دەپ حابارلايدى Aqshamnews.kz.
اتالعان جارىستا قازاقستان قۇراماسىمەن بىرگە وڭتۇستىك كورەيا، يران، تايلاند جانە ساۋد ارابياسىنىڭ كوماندالارى ب ا ق سىنادى. تۋرنير اينالمالى جۇيە بويىنشا ءوتتى.
ءتۋرنيردىڭ باستاپقى كەزەڭىندە قازاقستان قۇراماسى وڭتۇستىك كورەياعا 9:10، يران كومانداسىنا 3:5 ەسەبىمەن جەڭىلدى. كەيىننەن كوماندا ويىن جۇيەسىن رەتتەپ، تاكتيكالىق تۇرعىدا جيناقتالىپ، كەزدەسۋلەردىڭ بارىسىن ءوز پايداسىنا شەشە ءبىلدى. ناتيجەسىندە قازاقستاندىق گولبولشىلار ساۋد ارابياسىن 12:7، تايلاندتى 11:1 ەسەبىمەن سەنىمدى تۇردە جەڭىپ، پلەي-وفف كەزەڭىنە جولداما الدى.
جارتىلاي فينالدا قازاقستان قۇراماسى يران كومانداسىن 7:5 ەسەبىمەن جەڭىپ، فينالدىق باسەكەدە وڭتۇستىك كورەيا قۇراماسىنان 9:6 ەسەبىمەن باسىم ءتۇسىپ، جارىستىڭ التىن جۇلدەگەرى اتاندى.
جارىس قورىتىندىسى بويىنشا قازاقستان قۇراماسى 1ء-شى ورىن، وڭتۇستىك كورەيا 2ء-شى ورىن، يران 3ء-شى ورىنعا تۇراقتادى.
«جارىس بارىسىندا بارلىعى التى ويىن وتكىزدىك. سپورتشىلار جارىسقا جاقسى دايىندىقپەن كەلدى. مەملەكەت قولداۋىمەن الماتى مەن استانادا وقۋ-جاتتىعۋ جيىندارى ۇيىمداستىرىلدى. ناتيجەگە كوڭىلىمىز تولادى. كوماندا قۇرامىنداعى التى سپورتشىنىڭ تورتەۋى ءۇشىن بۇل العاشقى حالىقارالىق جارىس بولعانىنا قاراماستان، ولار وزدەرىن جوعارى دەڭگەيدە كورسەتە ءبىلدى»، — دەدى گولبولدان باس باپكەر اندرەي شپەحت.
ايتا كەتەيىك، جاسوسپىرىمدەر اراسىنداعى V ازيا پارا ويىندارى 10-13 جەلتوقسان ارالىعىندا دۋباي قالاسىندا (ءباا) ءوتتى. بايراقتى باسەكەگە 45 ەلدەن 1 300-دەن استام سپورتشى قاتىسىپ، 11 سپورت ءتۇرى بويىنشا 481 مەدال جيىنتىعى ساراپقا سالىندى.
اتالعان ويىنداردا قازاقستان قۇراماسى 9 سپورت تۇرىنەن سىنعا ءتۇسىپ، جالپى سانى 68 مەدال جەڭىپ الدى. ونىڭ ىشىندە 25 التىن، 23 كۇمىس جانە 20 قولا جۇلدە بار.
بۇعان دەيىن قازاقستان جاسوسپىرىمدەر اراسىنداعى V ازيا پارا ويىندارىندا 68 مەدال جەڭىپ العان بولاتىن.