ەت پەن ەت ونىمدەرىن تۇتىنۋدىڭ ەڭ جوعارى دەڭگەيى الماتى قالاسىندا، سونداي-اق، جەتىسۋ، قاراعاندى جانە اقمولا وبلىستارىندا بايقالدى. بۇل تۋرالى ۇلتتىق ستاتيستيكا بيۋروسى مالىمدەدى.
اتالعان وڭىرلەردە ءبىر ادامعا شاققانداعى ورتاشا تۇتىنۋ كولەمى توقسانىنا شامامەن 24 كگ. ال ەڭ تومەن كورسەتكىش شىمكەنت قالاسىندا تىركەلىپ، ءبىر ادامعا شاققاندا توقسانىنا 16،1 كگ بولدى، - دەپ حابارلايدى Aqshamnews.kz.
وڭىرلەر بولىنىسىندە جەكەلەگەن ازىق-تۇلىك تۇرلەرىن تۇتىنۋ دەڭگەيى دە ءارتۇرلى. نان ونىمدەرى مەن جارما بۇيىمدارىن ەڭ كوپ تۇتىناتىن ءوڭىر – تۇركىستان وبلىسى، مۇندا ءبىر ادامعا توقسانىنا 43،4 كگ كەلەدى. بالىق ونىمدەرىن ەڭ كوپ تۇتىنۋ سولتۇستىك قازاقستان وبلىسىندا بايقالىپ، كورسەتكىش 5،8 كگ قۇرادى. ءسۇت جانە ءسۇت ونىمدەرىن تۇتىنۋ كولەمى اقمولا وبلىسىندا جوعارى – ءبىر ادامعا توقسانىنا 83،1 كگ. ال كوكونىستەر مەن جەمىستەردى ەڭ كوپ تۇتىناتىن ءوڭىر – الماتى قالاسى، تيىسىنشە 30،76 كگ جانە 36،9 كگ.
جالپى العاندا، 2025 جىلدىڭ III توقسانىندا جان باسىنا شاققانداعى ازىق-تۇلىك ونىمدەرىن ورتاشا تۇتىنۋ كولەمى كەلەسىدەي:
- كارتوپ – 11،3 كگ
- نان ونىمدەرى مەن جارما بۇيىمدارى – 31،7 كگ
- ەت جانە ەت ونىمدەرى – 21،2 كگ
- جەمىستەر – 29،6 كگ
- قانت، توساپ، شوكولاد جانە كونديتەرلىك ونىمدەر – 11،4 كگ
- ءسۇت ونىمدەرى – 60،5 كگ
- جۇمىرتقا – 53،9 دانا
- بالىق پەن تەڭىز ونىمدەرى – 3،6 كگ