نەمىس باسىلىمى الماتىنى «مادەنيەتتەردىڭ قايناعان قازانى» جانە ەۋروپالىق ساياحاتشىلاردى باۋراپ الاتىن جاڭا ورتالىق رەتىندە سيپاتتادى، دەپ حابارلايدى aqshamnews.kz
ماقالا اۆتورى كاسپەر ەستەررايح الماتىنىڭ قارقىندى دامىپ كەلە جاتقانىن جانە قازاقستاننىڭ وڭىردەگى ەڭ قىزىقتى تۋريستىك باعىتتاردىڭ بىرىنە اينالعانىن اتاپ وتەدى. «قازاقستان تۇرلەنىپ كەلەدى»، — دەپ جازادى جۋرناليست، ەلدىڭ ينفراقۇرىلىم مەن تۋريزم سالاسىنا بەلسەندى ينۆەستيسيا سالىپ جاتقانىن، ال الماتىنىڭ ورتالىق ازيانىڭ مادەني جانە گاسترونوميالىق جۇرەگىنە اينالىپ كەلە جاتقانىن ايتادى.
اۆتوردىڭ ايتۋىنشا، قالا كەڭەستىك ءداۋىردى، زاماناۋي جايلىلىقتى جانە تابيعاتتىڭ عاجايىپ سۇلۋلىعىن ۇيلەستىرە بىلگەن. «مۇندا ءاربىر كورىنىس – اشىق حاتتاي اسەرلى. مەگاپوليستىڭ قاربالاس كوشەلەرىنەن نەبارى بىرنەشە شاقىرىم ۇزاعان ساتتە تاۋ مەن دالا جانە گراند-كانوندى ەسكە سالاتىن شاتقالدار بار.
RNZ الماتىنى «الما قالاسى» دەپ اتاپ، ونى جايلى، ومىرگە تولى جانە قۋاتقا تولى شاھار رەتىندە كورسەتەدى. ماتەريالدا قالاداعى باستى كورنەكتى ورىندار — ۆوزنەسەنسك سوبورى، اربات، كوك بازار جانە قالاعا تىنىس بەرەتىن ساياباقتار ەرەكشە بەينەلەنەدى.
نەمىس باسىلىمىنىڭ بۇل ماقالاسى ەۋروپانىڭ قازاقستانعا دەگەن قىزىعۋشىلىعىنىڭ ارتىپ كەلە جاتقانىن تاعى ءبىر مارتە پاش ەتتى. ماقالا اۆتورىنىڭ ساپارى Almaty Tourism Bureau قولداۋىمەن جانە Air Astana اۋە كومپانياسىنىڭ سەرىكتەستىگىمەن جۇزەگە اسقان. كومپانيا فرانكفۋرت پەن الماتى اراسىندا تىكەلەي اۋە قاتىناسىن ورىندايدى.
ءجۋرناليستىڭ ايتۋىنشا، بۇگىنگى الماتى بۇل مەگاپوليستىڭ زاماناۋي تىنىسى، تابيعات جانە ناعىز قازاقى قوناقجايلىق توعىسقان الەمدىك دەڭگەيدەگى قالا.
Rhein-Neckar-Zeitung (RNZ) — 80 جىلدان استام تاريحى بار گەرمانيانىڭ ەڭ كونە باسىلىمدارىنىڭ ءبىرى. گەيدەلبەرگ قالاسىندا ورنالاسقان گازەت ەلدىڭ تۇكپىر-تۇكپىرىندە كەڭ وقىرمانعا تارايدى. باسىلىم ساياحات، مادەنيەت پەن ىسكەرلىك قاۋىم اراسىندا سەنىمدى اقپارات كوزى رەتىندە تانىمال.