گەرمانيادا كۇننىڭ اپتاپ ىستىعىنان ەگىستىك جەرلەر كۇيىپ جاتىر

قۇرعاقشىلىق پەن ىستىق

گەرمانيادا كۇننىڭ اپتاپ ىستىعىنان جۇگەرى مەن كارتوپ القاپتارى زارداپ شەگۋدە، دەپ حابارلايدى Almaty-akshamy.kz BAQ.KZ-كە سىلتەمە جاساپ.

Deutsche Welle سايتى حابارلاعانداي، گەرمانيا فەرمەرلەرى اۋا تەمپەراتۋراسىنىڭ تىم ىستىق بولۋى سالدارىنان قۇرعاقشىلىق ورىن الىپ، ەگىستىكتەرى كۇيىپ كەتە مە دەپ الاڭداۋلى. 

«قۇرعاقشىلىق پەن ىستىق – بيىلعى جىلى ءبىرقاتار ايماقتاردا پروبلەماعا اينالىپ وتىر»، - دەدى نەمىس شارۋاشىلىق وداعىنىڭ باسشىسى يواحيم رۋكۆيد. 

ايتۋىنشا، اۋا رايىنىڭ ىستىق بولۋى استىق القابىنا ايتارلىقتاي اسەر ەتكەن.

 - ەگىنى جينالماعان كارتوپ پەن جۇگەرى دە جوعارى تەمپەراتۋرادان زارداپ  شەگىپ وتىر. جاقىن ارادا جاۋىن-شاشىن بولماسا، ۇلكەن شىعىنعا ۇشىرايمىز، - دەپ اتاپ ءوتتى ول.

2018 جىلى سەگىز فەدەرالدىق ايماقتاعى گەرمانيالىق فەرمەرلەردىڭ جالپى شىعىنى 3 ملرد ەۋروعا جەتكەن. رۋكۆيد سول ۋاقىتتا ەل ۇكىمەتى مەن فەدەرالدىق جەر يەلەرىنەن زارداپ شەككەن ايماقتاردا اۋىل شارۋاشىلىعى سەكتورىنىڭ وكىلدەرىنە العاشقى كومەك كورسەتىپ، جاعدايدى ءتۇسىندىرۋدى سۇراعان بولاتىن. 
نەمىس مەتەورولوگيالىق قىزمەتىنىڭ دەرەكتەرىنە سايكەس، وسى اپتادا ورىن الادى دەپ كۇتىلىپ وتىرعان اۋا رايى 40 گرادۋسقا جەتۋى مۇمكىن.