مينيسترلىك قۇرىلىس سالاسىنداعى قىمباتشىلىق ماسەلەسىن شەشۋ جولىن ۇسىندى

نورماتيۆتىك قۇجات كۇشىنە ەنەدى

قۇرىلىس سالاسىنداعى باعىنىڭ ءوسۋىن بولدىرماۋ ماقساتىندا قۇرىلىس جانە ءتۇرعىن-ۇي كوممۋنالدىق شارۋاشىلىق ىستەرى كوميتەتى ءبىرقاتار شارالار قابىلداماق، دەپ حابارلايدى Almaty-akshamy.kz يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ. 

«وسى ايدىڭ سوڭىندا «قۇرىلىسقا ارنالعان جوبالاۋ-سمەتالىق قۇجاتتامانى ازىرلەۋ، كەلىسۋ، بەكىتۋ ءتارتىبى» تۋرالى نورماتيۆتىك قۇجات كۇشىنە ەنەدى. وسىنىڭ نەگىزىندە قۇرىلىستى جوبالاۋ-سمەتالىق قۇجاتتارىنىڭ ىشىنەن پرايس-پاراقتار الىنىپ تاستالادى. بۇل - قۇرىلىس ماتەريالدارىنىڭ سمەتادا كورسەتىلگەن باعاسىنان قىمبات بولىپ كەتپەۋى ءۇشىن جاسالىپ وتىر. سونداي-اق، مينيسترلىك «قۇرىلىس ءۇشىن قۇن يندەكستەرى» نورماتيۆتىك قۇجاتىن ازىرلەدى. وندا قۇرىلىس سالاسىنداعى باعانىڭ ءوسۋى مەن ينفلياسيا دەڭگەيى ەسكەرىلەدى»، - دەپ ءمالىم ەتتى مينيسترلىكتىڭ باسپا ءسوز قىزمەتىنەن. 

ۆەدومستۆا اقپاراتىنا قاراعاندا، بۇگىندە دەنساۋلىق ساقتاۋ جانە ءبىلىم بەرۋ وبەكتىلەرىنىڭ قۇرىلىسىندا باعانى باقىلاپ وتىرۋعا مۇمكىندىك بەرەتىن شەكتى مولشەرلەمە بەكىتىلگەن. ال اتالعان نورماتيۆتىك قۇجاتتار كۇشىنە ەنگەسىن، بۇل باعىتتاعى قۇن يندەكسى مەن كورسەتكىشتەر قايتا قارالماق.