ادامدار ءوز ۇيلەرىنىڭ شاتىرىنا شىعىپ، كومەك كۇتۋدە.
باتىس گەرمانيادا ورىن العان سۋ تاسقىنى ادام شىعىنىنا اكەلدى، جولىنداعىنى شايىپ ءوتىپ، ءبارىن قيراتىپ كەتتى، دەپ حابارلايدى Almaty-akshamy.kz BBC سايتىنا سىلتەمە جاساپ.
پوليسيانىڭ حابارلاۋىنشا، كوپتەگەن وڭىرلەردىڭ استان-كەستەڭى شىققان، زارداپ شەككەندەر مەن قازا تاپقانداردىڭ سانىن انىقتاۋ قيىنعا سوعىپ جاتىر. سوڭعى دەرەك بويىنشا، 33 ادام قايتىس بولعان، ونداعان ادام ءىز-تۇزسىز جوق بولىپ كەتكەن.
گەرمانيانىڭ اۋىلدارى سۋ استىندا قالعان، تالدار قۇلاعان، اۆتوكولىكتەر سۋدا ءجۇزىپ ءجۇر، كوشەلەر سارقىراعان وزەندەرگە ۇقسايدى.
تۇرعىندار بۇل سۋ تاسقىنى بۇعان دەيىنگىلەردىڭ ىشىندەگى ەڭ سۇراپىلى دەسەدى. ادامدار ءوز ۇيلەرىنىڭ شاتىرىنا شىعىپ، كومەك كۇتۋدە.
باتىس گەرمانياعا سوڭعى 24 ساعاتتا جاۋىن-شاشىن كوپ ءتۇستى، سول سەبەپتى وزەندەر ارناسىنان شىقتى. 150 مىڭداي ءۇي ەلەكتر قۋاتىنسىز قالدى. جەرگىلىكتى شەنەۋنىكتەر جاعداي ءقاۋىپتى دەگەندى ايتىپ وتىر. بەيسەنبى مەن جۇما كۇندەرى جاڭبىر گەرمانيانىڭ وزگە دە وڭىرلەرىنە جاۋادى دەپ كۇتىلۋدە. ەڭ كوپ زارداپ شەككەن وڭىرلەرگە رەينلاند-پفالس جەرلەرى مەن سولتۇستىك رەين-ۆەستفاليا جاتادى.
