الماتى قالاسىنىڭ باس مەملەكەتتىك سانيتارلىق دارىگەرى جاڭا قاۋلىعا قول قويدى.
شىلدەنىڭ 15 كۇنى الماتى قالاسىنىڭ باس مەملەكەتتىك سانيتاريالىق دارىگەرى جاڭا قاۋلىعا قول قويدى. بۇل قۇجات بويىنشا، قۇربان ايت مەيرامى كۇندەرى قالادا ادامدار كوپ جينالاتىن شارالارعا شەكتەۋ قويىلادى، دەپ حابارلايدى Almaty-akshamy.kz.
قاۋلىعا سايكەس، ادامدار كوپ جينالاتىن شارالاردى ۇيىمداستىرۋعا تيىم سالىنادى، ونىڭ ىشىندە ايت نامازىن وتكىزۋگە بولمايدى. قۇربان شالۋ ونلاين تۇردە جۇرگىزىلەدى. الماتى قالاسىنىڭ اۋماعىندا مال سويۋ سەحتارى مەن بازارلاردىڭ جۇمىسىنا تىيىم سالىنادى.
سونىمەن قاتار قۇربان ايت كۇندەرى مال سويۋدى جۇرگىزۋگە جانە ولاردى اۆتوماشينادان جانە جەكە مەنشىك ءۇي يەلەرىنەن وتكىزۋگە تىيىم سالىنادى.
رەسمي قۇجاتتا مۇنداي شەكتەۋلەر كوروناۆيرۋس ينفەكسياسىنىڭ كۇرت وسۋىنە بايلانىستى ەنگىزىلىپ وتىرعاندىعىمەن تۇسىندىرىلگەن.
سوڭعى دەرەك بويىنشا، وتكەن تاۋلىكتە قازاقستاندا بەس مىڭنان استام ادام COVID-19 جۇقتىرعان.