نەمىس عىلىم جانە ءبىلىم مينيسترلىگىنىڭ دەلەگاسياسى ءبىزدىڭ ەلگە كەلىپ، تاسقىنمەن كۇرەستەگى تاجىريبەسىمەن بولىسپەك.
ءقازىر قازاقستانعا شەتەلدىك كاسىپكەرلەر مەن تۇرعىندار دا اقشا اۋدارىپ، مەيلىنشە جاردەمدەسىپ جاتىر. بەرليندە قازاقستانعا كومەك ماقساتىندا ۇيىمداستىرىلعان قايىرىمدىلىق ءىس-شارا ءوتتى، دەپ حابارلايدى Almaty-akshamy.kz 24.kz
وندا جيىلعان جۇرتقا كەيىنگى 80 جىلداعى ەڭ الاپات تاسقىن سالدارى كورسەتىلدى. ال گەرمانياداعى قازاقستان ەلشىسى ەلىمىزدەگى قازىرگى احۋال مەن تاسقىنعا توسقىن قويۋ شارالارى تۋرالى ايتىپ بەردى.
«كليماتتىڭ وزگەرۋىمەن اينالىسىپ جاتقان عالىم رەتىندە ءبىز ءۇشىن قازاقستاندىقتارعا قولداۋ كورسەتۋ ماڭىزدى. ءبىز ورتالىق ازيادا جۇمىس ىستەيمىز. سونىڭ ىشىندە قازاقستانداعى سۋ رەسۋرستارىن زەرتتەيمىز. كليماتتىڭ وزگەرۋى سالدارىنان بولاشاقتا مۇنداي تابيعات اپاتتارى جيىلەۋى مۇمكىن ەكەنىن ءتۇسىنۋىمىز كەرەك»، - دەيدى پوتسدام كليماتتىڭ اسەرىن زەرتتەۋ ينستيتۋتىنىڭ عىلىمي قىزمەتكەرى يۋليي ديدوۆەتس.
قايىرىمدىلىق شاراسىنا فەدەرالدىق ۇكىمەت مۇشەلەرى، عالىمدار، كاسىپكەرلەر، قوعام قايراتكەرلەرى مەن ستۋدەنتتەر قاتىستى. جيىلعان قاۋىم سۋ رەسۋرستارىن باسقارۋ سالاسىندا ورتاق زەرتتەۋلەر جۇرگىزىپ، كادرلار دايارلاۋ جاعىن تالقىلادى. جاقىندا ەلىمىزگە ىس-ساپارمەن نەمىس دەلەگاسياسى كەلۋ كەرەك. قۇرامىنا گەولوگيا ينستيتۋتى مەن تابيعات اپاتتارىن زەرتتەۋ عىلىمي ورتالىعىنىڭ وكىلدەرى كىرگەن توپ،،،ءبىزدىڭ مينيسترلىكتەرلەرگە كەڭەس بەرەدى.