"الماتى - ءبىزدىڭ ورتاق ءۇيىمىز" كامپانياسى اياسىندا بۋتاكوۆكاعا قالانىڭ ەكولوگيا جانە قورشاعان ورتا باسقارماسىنىڭ "مەدەۋ" مەملەكەتتىك وڭىرلىك تابيعي پاركى قىزمەتكەرلەرىنىڭ قولداۋىمەن 500 جەمىس اعاشى - ورىك وتىرعىزىلدى.
مەكەمە ديرەكتورىنىڭ ورىنباسارى ۇزاق مىقيتانوۆتىڭ ايتۋىنشا، بۇل اتالعان ۋچاسكەدە جاسىل جەلەكتەر العاشقى رەت وتىرعىزىلىپ وتىرعان جوق. وتكەن جىلى سيۆەرس الما اعاشتارىنىڭ مىڭ كوشەتى وتىرعىزىلدى، دەپ حابارلايدى Almaty-akshamy.kz.
"بيىلعى جىلى تاڭداۋ ورىك كوشەتتەرىنە ءتۇستى، ويتكەنى ولار تاۋلى ايماقتاعى كليماتتىق جاعدايلارعا جاقسى بەيىمدەلگەن. ورىك كوشەتتەرىن وتىرعىزۋ الدىندا تامىرلار كەۋىپ قالماس ءۇشىن ارنايى بولتۋشكالاردا (جەر مەن سۋ) ۇستادىق"، - دەپ ءبولىستى ول.
"مەدەۋ" تابيعي پاركى قىزمەتكەرلەرىنەن باسقا، اعاش وتىرعىزۋعا وبلىستىق جانە قالالىق ەكولوگيا باسقارمالارىنىڭ، مەدەۋ اۋدانى اكىمدىگى مەن پروكۋراتۋراسىنىڭ قىزمەتكەرلەرى، سونداي-اق ەكواكتيۆيستەر مەن ەرىكتىلەر قاتىستى.
"كەشە ءبىز ارداگەرلەرى جانە زەينەتكەرلەرىمەن بىرگە سەنبىلىك وتكىزدىك. ءبىز وسى اكسيالاردى جالعاستىرىپ، بارلىعىن قالانى اباتتاندىرۋ مەن كوگالداندىرۋدى قاداعالاۋعا شاقىرامىز"، - دەدى ستۋدەنتتىك ەكوپاترۋلدىڭ باسشىسى ءادىل نۇرپەيىسوۆ.
ەسكە سالساق، "الماتى – ءبىزدىڭ ورتاق ءۇيىمىز" ناۋقانى 8 ساۋىردە باستالدى. ءاربىر تۇرعىن مەگاپوليستى دامىتۋعا جانە كوگالداندىرۋعا ءوز ۇلەسىن قوسا الادى.
بارلىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، ۆەب-سايتقا قالا بويىنشا ورنالاستىرىلعان باننەرلەرگە، پوستەرلەر مەن افيشالارعا ارنايى QR-كود ارقىلى كىرۋگە بولادى.
ناۋقاننىڭ بەلسەندى قاتىسۋشىلارى ءۇشىن الەۋمەتتىك جەلىلەردەگى حەشتەگتەر:
#الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.