گەرمانيا قازاقستاندىق مۇنايدىڭ جەتكىزىلۋىن كۇتۋدە

نەمىس تاراپى جىل سايىن 5 ملن توننا قارا التىن ەكسپورتىنا تاپسىرىس بەرگەن.

بۇل جونىندە «قازمۇنايگاز» باسشىسى ارنامىزداعى «پرەزيدەنت» جوباسىنا بەرگەن سۇحباتىندا ايتتى، دەپ حابارلايدى Almaty-akshamy.kz 24.kz-كە سىلتەمە جاساپ.

- ەكسپورتتىڭ العاشقى پارتياسى كەلەر ايدا گەرمانيانىڭ شىعىسىنا جونەلتىلەدى،-دەدى ماعزۇم  مىرزاعالييەۆ. شۆەدت قالاسىنداعى مۇناي وڭدەۋ زاۋىتىنىڭ جىلدىق قۋاتى 10 ملن توننادان استام شيكىزاتتى وڭدەۋگە جەتەدى. وسىلايشا زاۋىت بەرلين مەن ەلدىڭ شىعىس ايماعىن وتىنمەن قامتاماسىز ەتەدى.

«مۇندا بىرنەشە ماسەلە بار:  ءبىرىنشىسى مۇناي باعاسىنا بايلانىستى، ەكىنشىسى مۇنايدى باسقا پورتتاردان جەتكىزۋ كەرەك. بۇعان دەيىن مۇنايىمىزدى نوۆوروسييسك تەڭىز پورتى مەن بالتىق تەڭىزىندەگى  ۋست-لۋگا ارقىلى جەتكىزەتىنبىز. دەمەك، وسى پورتتارداعى مۇنايدى الىپ، نەمىس تاراپىنا باسقا جولمەن جەتكىزۋ كەرەك بولادى. ءقازىر كەلىسسوزدەر قىزۋ ءجۇرىپ جاتىر»، - دەدى «قازمۇنايگاز» ۇك» اق باسقارما ءتوراعاسى ماعزۇم مىرزاعالييەۆ.

مىرزاعالييەۆتىڭ ايتۋىنشا، قازاقستان قارا التىندى نەمىستەرگە كاسپيي قۇبىر جەلىسى كونسورسيۋمىمەن سالىستىرعاندا اناعۇرلىم ءتيىمدى شارتپەن ساۋدالاماق. ەستەرىڭىزدە بولسا، بۇعان دەيىن گەرمانيا رەسەيلىك مۇنايدان باس تارتىپ، ونى قازاقستاندىق ونىمگە الماستىراتىنى جايلى اقپار تاراعان بولاتىن. بۇل جونىندە تولىعىراق ارنامىزدا ساعات 20:30-دا شىعاتىن «پرەزيدەنت» باعدارلاماسىنان بىلۋگە بولادى.