الماتىدا مەملەكەت باسشىسى جاريالاعان بالالار جىلى اياسىنداعى ءداستۇرلى پرەزيدەنت شىرشاسى ءوتىپ جاتىر.
شىرشا تويىنا تۇرمىسى تومەن، جەتىم، وقۋ وزاتى مەن دارىندى جانە ەرەكشە قاجەتتىلىگى بار، سونىمەن قاتار، وقۋدا، سپورتتا جانە شىعارماشىلىقتا جەتىستىككە جەتكەن دارىندى 300 بالا شاقىرىلدى.
مەملەكەت باسشىسى قاسىم-جومارت توقايەۆتىڭ اتىنان الماتى اكىمى ەربولات دوسايەۆ قۇتتىقتاپ، زور دەنساۋلىق، مول تابىس جانە جاڭا جىلدا بارلىق ارماننىڭ ورىندالۋىن تىلەدى.
روزا رىمبايەۆا «كەل، جاڭا جىل!» ءانىن شىرقاپ، اياز اتا، اقشاقار جانە 2023 جىلدىڭ نىشانى قوياننىڭ قاتىسۋىمەن شىرشانىڭ شامىن جاعۋ تەاترلاندىرىلعان قويىلىمنىڭ وزەگىنە اينالدى.
بۇعان قوسا، تانىمال تۇلعالار پرەزيدەنت شىرشاسىنا كەلگەن قوناقتارعا بەينەجازبا ارقىلى جۇرەكجاردى لەبىزىن جولدادى. اتاپ ايتقاندا، ولاردىڭ اراسىندا ءارتىس ديماش قۇدايبەرگەن، وليمپيادا چەمپيونى دميتريي بالاندين، ءانشى دانەليا تولەشوۆا، ت.ب. بار.
«جاڭاجىلدىق سيقىر» مۋزىكالىق-ينتەراكتيۆتى شوۋ-سپەكتاكلى شىرشا تويىنىڭ شىرايىن كىرگىزىپ، ەركە ەسماحان، مۇحتار حانزادا، كەشYou توبى، ت.ب. اننەن شاشۋ شاشتى.
ءىس-شارا سوڭىندا بارلىق قوناقتار قازاقستان رەسپۋبليكاسى پرەزيدەنتىنىڭ اتىنان جاڭاجىلدىق سىيلىقتار الدى.