اقمولا وبلىسىندا جابايى كەنشىلەر ميلليونداپ پايدا تاپقان، دەپ حابارلايدى aqshamnews.kz
باس پروكۋراتۋرا اقمولا وبلىسىندا زاڭسىز التىن وندىرۋمەن اينالىسقان توپ تۋرالى مالىمدەدى. ۇيىمداسقان قىلمىستىق توپ قۇرامىندا قازاقستان، رەسەي جانە ۋكراينا ازاماتتارى بولعان.
قاداعالاۋ ورگانىنىڭ مالىمەتىنشە، بۇل ادامدار قۇجات بويىنشا گەولوگتار بولىپ تىركەلگەن. 12 ادامنان تۇراتىن توپ 2021 جىلدان 2023 جىلعا دەيىن جۇمىس ىستەگەن، جابايى كەنشىلەردىڭ ارەكەتىنەن كەلگەن شىعىن 250 ميلليون تەڭگەگە جەتكەن.
«تەرگەۋ مالىمەتتەرى بويىنشا، قىلمىستىق توپ «جەر قويناۋىن گەولوگيالىق زەرتتەۋ» ليسەنزياسىن جامىلىپ، زاڭسىز التىن وندىرۋمەن اينالىسقان»، — دەءيدى باس پروكۋراتۋرا.
حالىقارالىق توپتىڭ ءىسى سوتقا بەرىلدى.