الماتى زووباعى تاعى ءبىر تولمەن تولىقتى
وعان زووباق قىزمەتكەرلەرى ايشۋاق دەگەن ات بەرىپتى، دەپ حابارلايدى Almaty-akshamy.kz.
"جانۋارلاردىڭ كىشكەنتاي تولدەرى ءبارىمىزدى قۋانتىپ، كوڭىلىمىزدى ەرەكشە سەزىمگە بولەيدى. ءبىز جاڭا تۋعان ءار ءبىر ءتول ءۇشىن قۋانامىز. 2 ماۋسىم كۇنى زووباعىمىزداعى تاۋتايلاقتار – داستان مەن مارسي جۇبىندا كىشكەنتاي تاۋتايلاق ومىرگە كەلدى. ءبىز وعان ايشۋاق دەپ ات قويدىق. ءتۇسى قىزعىلت سارى، اسپانداعى ايدىڭ شۋعانىداي بولعان سوڭ وسىلاي اتادىق. ونىڭ كوزدەرى ەرەكشە تۇنىق، كىرپىكتەرى دە ۇزىن. دەنەسىندە مامىقتاي جۇمساق ءجۇنى بار. قۇلاقتارى ۇلكەن، اياقتارى جىڭىشكە"،-دەپ جازدى الماتى زووباعى
ايشۋاق ءقازىر ءوزىن وتە جاقسى، سەرگەك سەزىنەدى ەكەن. سەكىرىپ ويناپ، اتا-اناسىنا ەركەلەيدى.
"كىشكەنتاي لامانى سىزدەر زووباعىمىزداعى تۇيەلەر مەن پرجيەۆالسك جىلقىلارىنىڭ جانىنداعى قورشاۋدان كورە الاسىزدار. لامالار ءتۇرلى شوپتەرمەن قورەكتەنەدى. س ۇلى جارماسىن، كارتوپ، ءسابىز، قىزىلشانى دا جاقسى جەيدى"، -دەپ جازىلعان الماتى زووباعىنىڭ حابارلاماسىندا.
سونىمەن قاتار قىزمەتكەرلەر ولاردىڭ قورەگىنە بور مەن تۇز قوسىپ بەرەدى. ايشۋاق ءالى دە اناسىنىڭ ءسۇتىن ەمەدى. اراسىندا ۇلكەن لامالار سياقتى ءشوپ پەن جەمىس-كوكونىستەردىڭ ءدامىن تاتىپ ءجۇر.