نايزاعاي، بۇرشاق، داۋىل – 11 وڭىردە ەسكەرتۋ جاريالاندى
«قازگيدرومەت» رمك 25 مامىردا اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى Almaty-akshamy.kz.
اتاپ ايتقاندا، قىزىلوردا وبلىسىنىڭ ورتالىعىندا جانە سولتۇستىگىندە شاڭدى داۋىل كۇتىلەدى. وڭتۇستىك-شىعىستان سوققان جەل باتىسقا اۋىسىپ، ورتالىق پەن سولتۇستىكتە كۇشى 15-20 م/س ارتادى. ءوڭىردىڭ ورتالىق بولىگىندە توتەنشە ءورت ءقاۋپى ساقتالادى.
تۇندە باتىس قازاقستان وبلىسىنىڭ شىعىس بولىگىندە نايزاعاي، بۇرشاق، داۋىل بولجانادى. جەل سولتۇستىك-باتىستان سوعادى، وبلىستىڭ سولتۇستىك-شىعىسىندا كۇندىز ەكپىنى 15-20 م/س جەتەدى.
تۇندە اتىراۋ وبلىسىنىڭ شىعىسىندا نايزاعاي ويناپ، سولتۇستىك-باتىستان جەل سوعادى. ءوڭىردىڭ شىعىسىندا جەلدىڭ كۇشى 15-20 م/س ارتادى.
كۇندىز اقمولا وبلىسىنىڭ سولتۇستىگىندە، باتىسىندا شىعىستان، وڭتۇستىك-شىعىستان جەل سوعادى، جىلدامدىعى 15-20 م/س قۇرايدى.
ماڭعىستاۋ وبلىسىنىڭ سولتۇستىگىندە، شىعىسىندا، وڭتۇستىگىندە نايزاعاي ويناپ، شاڭدى داۋىل تۇرادى. جەلدىڭ ەكپىنى 15-20 م/س جەتەدى.
كۇندىز اقتوبە وبلىسىنىڭ شىعىسىندا نايزاعاي كۇتىلەدى. جەلدىڭ باعىتى وڭتۇستىك-شىعىستان سولتۇستىك-باتىسقا اۋىسىپ، كۇندىز شىعىستا ەكپىنى 15-18 م/س قۇرايدى.
شىعىس قازاقستان وبلىسىنىڭ جارما اۋدانىندا توتەنشە ءورت ءقاۋپى ساقتالادى.
قوستاناي وبلىسىنىڭ باتىسىندا، وڭتۇستىگىندە نايزاعاي، بۇرشاق، داۋىل بولجانادى. وڭتۇستىك-شىعىستان جەل سوعادى، كۇشى 15-20 م/س جەتەدى.
كۇندىز سولتۇستىك قازاقستان وبلىسىندا وڭتۇستىك-شىعىستان جەل سوعادى، ءوڭىردىڭ سولتۇستىگىندە، باتىسىندا ەكپىنى 15-20 م/س كۇشەيەدى.
25-26 مامىردا جامبىل وبلىسىنىڭ تاۋلى اۋداندارىندا نايزاعاي، بۇرشاق، داۋىل كۇتىلەدى. جەلدىڭ جىلدامدىعى تاۋلى اۋدانداردا 25 م/س ارتادى.
تۇركىستان وبلىسىنىڭ تاۋلى اۋداندارىندا شىعىستان، وڭتۇستىك-شىعىستان جەل سوعادى، كۇشى – 15-20 م/س.