26 قاراشا كۇنى ساعات 09:00-دەن باستاپ الماتى قالاسىندا قارعا اۋىساتىن جاڭبىر تۇرىندە جاۋىن-شاشىن باستالدى، ول سينوپتيكتەردىڭ بولجامى بويىنشا تۇندە اياقتالادى.
«قازگيدرومەت» رمك تۇنگى كەزەڭدە اۋا تەمپەراتۋراسىنىڭ -12...-14°س دەيىن تومەندەۋىنە بايلانىستى تۇندە كوكتايعاق قۇبىلىستارىنىڭ الدىن الۋ ماقساتىندا 495 بىرلىك ارنايى تەحنيكا، ونىڭ ىشىندە 144 قۇم تاراتقىش جانە 393 جول جۇمىسشىسى تارتىلاتىن بولادى.
ساعات 19:00-دەگى جاعداي بويىنشا جولداردىڭ ءجۇرىس بولىگىنە 152 توننا كوكتايعاققا قارسى ماتەريال سەبىلگەن.
تروتۋارلاردى، قوعامدىق كولىك ايالدامالارىن، جەر ءۇستى جانە جەراستى وتكەلدەرىن تازالاۋ جۇمىستارى جۇرگىزىلۋدە.
اۋداندىق اكىمدىكتەر مەن مەردىگەر ۇيىمداردا جۇمىستاردى جۇرگىزۋ بويىنشا تاۋلىك بويى كەزەكشىلىك ۇيىمداستىرىلدى.
قۇرمەتتى الماتىلىقتار!
قاردىڭ تۇسۋىنە جانە اۋا تەمپەراتۋراسىنىڭ تومەندەۋىنە بايلانىستى كەشكى جانە تۇنگى كەزەڭدە جولدار مەن تروتۋارلاردا كوكتايعاق قۇبىلىستارى بولجانادى.
جۇرگىزۋشىلەردى اپاتتار ءقاۋپىنىڭ جوعارىلاۋىنا بايلانىستى جىلدامدىقتى تومەندەتۋگە، اۆتوموبيلدەر اراسىنداعى قاشىقتىقتى ساقتاۋعا جانە كەنەت جاسالاتىن مانيەۆرلەردەن اۋلاق بولۋعا شاقىرامىز.
جاياۋ جۇرگىنشىلەردەن تروتۋارلاردا جۇرگەندە اباي بولۋدى، اسا قاجەتتىلىكسىز ۇيدەن شىقپاۋدى سۇرايمىز.