«جىلدىڭ ۇزدىك جەكپە-جەگى» نومينانتتارىنىڭ قاتارىنا گولوۆكين مەن الۆارەستىڭ ءۇشىنشى جەكپە-جەگى ەندى.
دۇنيەجۇزىلىك بوكس كەڭەسى (WBC) جىلدىڭ ۇزدىك جەكپە-جەگىنە ۇمىتكەرلەردى جاريالادى، دەپ حابارلايدى اlmaty-akshamy.kz Sports.kz سىلتەمە جاساپ.
بۇل تىزىمگە قازاقستاندىق بوكسشى گەنناديي گولوۆكين مەن مەكسيكالىق ساۋل الۆارەستىڭ ءۇشىنشى جەكپە-جەگى دە ەندى. وندا تورەشىلەردىڭ ءبىراۋىزدان قابىلداعان شەشىمىمەن «كانەلو» جەڭىسكە جەتكەن ەدى.
سونداي-اق، تىزىمدە دجەرمەلل چارلو - برايان كاستانو، حۋان فرانسيسكو ەسترادا - رومان گونسالەس، ەررول سپەنس - يوردەنيس ۋگاس، سەباستيان فۋندورا - ەريك ليۋبين، كەنشيرو تەرادجي - حيروتو كيوگۋچي اراسىنداعى جەكپە-جەكتەر دە بار.
ەسكە سالا كەتسەك، گەنناديي گولوۆكين (42-2-1، 37 كو) – WBA Super، IBF جانە IBO نۇسقالارى بويىنشا ورتا سالماقتاعى الەم چەمپيونى.