ەلىمىزدىڭ ءبىرقاتار مينيسترلىكتەرىندە وزگەرىستەر بولادى.
پرەزيدەنت قاسىم-جومارت توقايەۆ «قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى» جارلىققا قول قويدى، دەپ جازادى اlmaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
«قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگى جەر قويناۋىن مەملەكەتتىك گەولوگيالىق زەردەلەۋ، مينەرالدىق-شيكىزات بازاسىن مولىقتىرۋ سالاسىنداعى فۋنكسيالارى مەن وكىلەتتىكتەرى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگىنە بەرىلە وتىرىپ، قازاقستان رەسپۋبليكاسىنىڭ ەكولوگيا جانە تابيعي رەسۋرستار مينيسترلىگى بولىپ قايتا ۇيىمداستىرىلسىن»، - دەپ جازىلعان قۇجاتتا.
وسىعان بايلانىستى مەملەكەت باسشىسى «ۇكىمەتكە ق ر پرەزيدەنتىنىڭ اكىمشىلىگىمەن كەلىسىم بويىنشا مەملەكەتتىك ورگانداردىڭ جانە ولارعا ۆەدومستۆولىق باعىنىشتى ۇيىمداردىڭ شتات سانىن قايتا ءبولۋدى» تاپسىردى.
«قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى بەرىلەتىن فۋنكسيالار مەن وكىلەتتىكتەر شەگىندە قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگىنىڭ قۇقىقتارى مەن مىندەتتەمەلەرىنىڭ ميراسقورى بولىپ ايقىندالسىن»، - دەلىنگەن جارلىقتا.