قىتايدان فرانسياعا كەلەتىن تۋريستەر پتر تەست تاپسىرۋى ءتيىس

تەست وڭ ناتيجە بەرسە، تۋريستەر جەتى كۇن بويى وقشاۋلانادى.

بيىلدان باستاپ فرانسياعا بارعىسى كەلەتىن قىتايلىق تۋريستەر ماسكا تاعىپ، پتر تەست تاپسىرۋعا مىندەتتى، دەپ حابارلايدى اlmaty-akshamy.kz Euronews سىلتەمە جاساپ.

تۋريستەر رەيستىڭ ۇشۋىنا 48 ساعاتتان از ۋاقىت قالعاندا پتر نەمەسە انتيگەن تالداۋىن ۇسىنۋى كەرەك. مۇنداي شارالار 31 قاڭتارعا دەيىن ەنگىزىلدى.

«بۇل - باقىلاۋ ازاماتتاردىڭ ەل اۋماعىنا كىرۋىنە جول بەرمەۋ ءۇشىن جاسالعان باقىلاۋ ەمەس، بۇل ءارتۇرلى نۇسقالاردى ءدال انىقتاۋعا مۇمكىندىك بەرەتىن عىلىمي ءتاسىل. مۇنى قىتايدا كەڭ تارالعان وميكرون شتامى ءۇشىن جاساپ وتىرمىز»، - دەپ اتاپ ءوتتى فرانسيانىڭ دەنساۋلىق ساقتاۋ ءمينيسترى فرانسۋا برون.

فرانسيا بۇل شەشىمدى ۇلىبريتانيا، يتاليا نەمەسە اقش سياقتى قىتايدا كوروناۆيرۋستىق ينفەكسيا جاعدايلارىنىڭ ورشۋىنە بايلانىستى قابىلدادى. جۇڭگو جەلتوقسان ايىنىڭ باسىندا شەكتەۋ شارالارىن الىپ تاستاعان بولاتىن.

اپتا سايىن قىتايدان جانە گونكونگتان فرانسياعا رەيستەر كەلەدى. ولاردىڭ باسىم بولىگى پاريجدەگى رۋاسسي شارل دە گولل اۋەجايىنا قونادى. تۋريستەردى ەڭ اۋەلى 2ە تەرمينالىندا تەكسەرۋ ورتالىعىنىڭ اگەنتتەرى انىقتايدى. ەگەر تەست وڭ ناتيجە بەرسە، ولار 7 كۇن بويى وقشاۋلانۋى ءتيىس.