جانكۇيەرلەرىنە ۇناۋ ءۇشىن ءبارىن جاسايتىنىن ايتتى.
WBA Super جانە IBF نۇسقالارى بويىنشا ورتا سالماقتاعى الەم چەمپيونى گەنناديي گولوۆكين ساۋل كانەلو الۆەرەسپەن جەكپە-جەك قارساڭىندا جانكۇيەرلەرىنە ۇندەۋ جولدادى، دەپ حابارلادى Almaty-akshamy.kz.
«بارشا بوكس جانكۇيەرىنە، وسى جەكپە-جەكتى كۇتىپ، ۋايىمداپ، مەنى قولدايتىن بارلىق جانعا العىس ايتقىم كەلەدى. مەن ءوز تاراپىمنان بۇل شىنىمەن دە كەرەمەت بوكس كەشى، قازىرگى كەزدەگى ەڭ ۇلكەن جەكپە-جەك جانە كەرەمەت شوۋ بولاتىنىنا كەپىلدىك بەرە الامىن. سىزدەرگە ۇناۋ ءۇشىن ءبارىن جاسايمىز»، – دەدى GGG Instagram-دا جاريالانعان ۆيدەودا.
قازاقستاندىق سپورتشى ۆيدەوعا ءۇش تىلدە سيپاتتاما جازدى: «Very grateful for all your support! بارشا قولداۋلارىڭىزعا مىڭ العىس! بلاگودارەن زا ۆسيۋ ۆاشۋ پوددەرجكۋ!»
گولوۆكين مەن «كانەلونىڭ» ءۇشىنشى جەكپە-جەگى 17 قىركۇيەكتە ەكىنشى ورتا سالماقتا وتەدى. كەزدەسۋ لاس-ۆەگاستاعى (نيەۆادا، اقش) T-Mobile Arena-دا بولادى. الدىڭعى ەكى جەكپە-جەك تە وسىندا وتكەن. ءبىرىنشىسى كەزدەسۋ داۋلى تەڭ ناتيجەمەن اياقتالدى، ال ەكىنشىدە تورەشىلەردىڭ شەشىمىمەن مەكسيكالىق جەڭىسكە جەتتى.
بۇعان دەيىن سپورتشىلار باسپا ءسوز كونفەرەنسياسىندا كوز ارباسقان ەدى.
پوسموترەت ەتۋ پۋبليكاسيۋ ۆ Instagram