جيناققا 400-دەن استام قۇجاتتان اقپارات ەنگىزىلگەن.
الماتىدا اشارشىلىق تۋرالى قۇجاتتار جيناعىنىڭ تۇساۋكەسەرى ءوتتى، دەپ حابارلايدى Almaty-akshamy.kz Almaty.tv سىلتەمە جاساپ.
كىتاپتىڭ جارىق كورۋىنە پرەزيدەنتتىڭ «تاۋەلسىزدىك بارىنەن قىمبات» اتتى ماقالاسى نەگىز بولدى. جيىنعا قوناق رەتىندە عالىمدار، جۋرناليستەر مەن زيالى قاۋىم وكىلدەرى قاتىستى. كەلە الماعاندار Zoom پلاتفورماسى ارقىلى ونلاين قوسىلدى. جيناقتىڭ شىعۋىنا سەپتىگىن تيگىزگەن عالىمدار مەرەيتويلىق مەدەلمەن ماراپاتتالدى.
«ماقالاداعى پرەزيدەنتىمىزدىڭ سوزىنە جاۋاپ رەتىندە ءبىز وسى مەملەكەتتىك ءارحيۆتىڭ ۇجىمى وسى اشتىققا قاتىستى قۇجاتتاردىڭ بارلىعىن توپتاستىرىپ، سونىمەن قاتار رەسەيدەن الىپ كەلىنگەن قازاقستاندا جوق، وتە سيرەك كەزدەسەتىن ءبىر دانا ساقتالىپ قالعان، سول كەزەڭدە شىققان بيۋللەتەن مەن كىتاپتاردى، اشتىققا قاتىستى شىققان ماتەريالداردى توپتاستىرىپ كىرگىزدىك»، – دەدى ق ر ورتالىق مەملەكەتتىك ءارحيۆىنىڭ ديرەكتورى ءسابيت شىلدەباي.
ايتا كەتەيىك، جيناق مالىمەتتەرىن جيناۋعا ارحيۆ قىزمەتكەرلەرى، تانىمال عالىم راشيد ورازوۆ پەن جاس ارحيۆشىلەر تارتىلعان. 400-دەن استام قۇجاتتان اقپارات ەنگىزىلگەن. تار زاماننان سىر شەرتكەن كىتاپتار ەندى كىتاپحانالارعا ۇلەستىرىلەدى.
«ءبىز رەسپۋبليكاداعى وبلىس بولسىن، مىنا ۇلتتىق كىتاپحانامىز بولسىن، عىلىمي وترالىق كىتاپحانالار بولسىن جانە وزگە دە كىتاپحانالارعا ۇلەستىرىلەدى.
«ءبىز رەسپۋبليكاداعى وبلىس بولسىن، مىنا ۇلتتىق كىتاپحانامىز بولسىن، عىلىمي ورتالىق كىتاپحانالار بولسىن جانە وزگە دە كىتاپحانالارعا تەگىن تاراتىلادى. كىتاپپەن تانىسۋ، جيناقتىڭ بەرەر ماڭىزى وتە زور»، – دەدى ق ر ورتالىق مەملەكەتتىك ءارحيۆىنىڭ جەتەكشى عىلىمي قىزمەتكەرى زيرا تولەنوۆا.