قازاقستاندا وندىرىستەگى جازاتايىم جاعدايلار ازايىپ كەلەدى

2020 جىلعا قاراعاندا 27 ادامعا از.

وتكەن جىلى ەڭبەك قىزمەتىنە بايلانىستى جازاتايىم وقيعالار كەزىندە زارداپ شەككەندەر سانى 2133 ادامدى قۇرادى، ونىڭ ىشىندە 389 ادام (18،2%) – ايەلدەر. مۇنداي دەرەكتەردى ۇلتتىق ستاتيستيكا بيۋروسى كەلتىردى، دەپ حابارلايدى Almaty-akshamy.kz.

«زارداپ شەككەندەردىڭ جالپى سانىنان قازا تاپقاندار سانى 176 ادامدى قۇرادى، بۇل 2020 جىلعا قاراعاندا 27 ادامعا از»، - دەلىنگەن بيۋرو اقپاراتىندا.

بۇل رەتتە جاراقاتتانۋدىڭ ەڭ جوعارى كورسەتكىشى قاراعاندى وبلىسىندا ساقتالۋدا. وندا 2021 جىلى 537 جاعداي تىركەلدى، بۇل جالپى جاعدايلاردىڭ 25،2% قۇرايدى.

ەكىنشى ورىندا شىعىس قازاقستان وبلىسى، وندا وندىرىستە 320 ادام جاراقات الدى (جالپى سانىنىڭ 15%).

توپتىق جازاتايىم وقيعالاردا 240 ادام، كاسىبي اۋرۋلارعا بايلانىستى 351، ۋلانۋدان 47 ادام زارداپ شەكتى. سونداي-اق 24 قىزمەتكەر ماس كۇيىندە جاراقات العان، ەسىرتكىدەن ماس بولعان 8 ادامنىڭ جاراقاتتانۋ جاعدايى تىركەلگەن. پسيحيكالىق بۇزىلۋ سالدارىنان وندىرىستە 9 ادام جاراقات الدى.

ستاتيستيكا دەرەكتەرىنە قاراعاندا، وڭدەۋ ونەركاسىبى - ەڭ ءقاۋىپتى سالا، وتكەن جىلى بۇل سالاعا جازاتايىم وقيعالاردىڭ 26،8%-ى كەلدى.

ەكىنشى ورىندا – تاۋ-كەن ونەركاسىبى، زارداپ  20،8%-ى وسى سەكتوردا جۇمىس ىستەدى.

مەرتىگۋدىڭ ەڭ از سانى اۋىل، ورمان جانە بالىق شارۋاشىلىعىنىڭ ۇلەسىنە كەلەدى، مۇندا جازاتايىم وقيعالار كەزىندە زارداپ شەككەندەردىڭ ۇلەسى - 2،9%.