قازاقستاندىق بوكسشى گەنناديي گولوۆكيننىڭ كاسىبي مانسابىنداعى تابىسى بەلگىلى بولدى.
Wealthy Gorilla باسىلىمىنىڭ مالىمەتىنشە، گولوۆكيننىڭ كاسىبي مانسابىنداعى تابىسى – 30 ميلليون دوللار. گەنناديي وسى تابىسىمەن الەمدەگى ەڭ باي بوكسشىلاردىڭ تىزىمىندە 20-ورىندا تۇر، دەپ حابارلايدى Almaty-akshamy.kz
"گەنناديي گولوۆكين – كوپتەگەن جەتىستىككە قول جەتكىزگەن قازاقستاندىق بوكسشى. ول ورتا سالماقتا ەكى رەت الەم چەمپيونى اتانعان. گولوۆكين 2017-2018 جىلدار ارالىعىندا ءوز سالماق دارەجەسىندە ۇزدىك بوكسشى اتاندى جانە 394 رەت جەكپە-جەككە شىعىپ، ەشقاشان نوكاۋتقا تۇسكەن ەمەس. ول ءارتۇرلى برەندتەرمەن، سونىڭ ىشىندە الەمدەگى ەڭ قىمبات ساعاتتاردى شىعاراتىن Hublot كومپانياسىمەن جانە Chivas Regal-مەن جارنامالىق كەلىسىمدەر جاسادى"، – دەپ جازدى Wealthy Gorilla باسىلىمى.
گەنناديي ءوزىنىڭ سوڭعى جەكپە-جەگىن 2022 جىلدىڭ قىركۇيەگىندە مەكسيكالىق ساۋل "كانەلو" الۆارەسكە قارسى وتكىزدى. بۇل كەزدەسۋدە قازاقستاندىق بوكسشى تورەشىلەردىڭ شەشىمىمەن جەڭىلىسكە ۇشىراعان ەدى. ودان كەيىن گولوۆكين رينگكە شىقپادى.