بۇل تۋرالى ق ر قك تاربيە جانە يدەولوگيالىق جۇمىس دەپارتامەنتىنىڭ باستىعى، ادىلەت پولكوۆنيگى تىلەۋحان باسقوجايەۆ ورتالىق كوممۋنيكاسيالار قىزمەتىنىڭ الاڭىندا مالىمدەدى، دەپ حابارلايدى Almaty-akshamy.kz.
25 مامىردا كەڭەس وداعىنىڭ باتىرى، حالىق قاھارمانى تاۋەلسىز قازاقستاننىڭ ءبىرىنشى قورعانىس ءمينيسترى، ارميا گەنەرالى ساعادات نۇرماعامبەتوۆتىڭ تۋعانىنا 100 جىل تولادى. وسى كۇنگە وراي باتىردىڭ تۋعان جەرى اقكول قالاسىندا ساعادات نۇرماعامبەتوۆ اتىنداعى الاڭعا قورعانىس مينيسترلىگى ەسكەرتكىش ورناتادى. اقمولا وبلىسىنىڭ اكىمدىگى الاڭدى اباتتاندىرادى.
«بىلتىر تامىز ايىندا جوسپار بەكىتىلدى. جوسپار ناقتى 9 تارماقتان تۇرادى. جەرگىلىكتى ورگاندار مەن ورتالىق ورگاندارعا تاپسىرمالار بەرىلگەن. بىردەن-بىر ورىندالعان ءىس-شارالار: ساعادات نۇرماعامبەتوۆتىڭ وسكەن جەرىندە اقكول اۋىلىندا اقمولا وبلىسىنىڭ اكىمدىگىمەن بىرگە سكۆەر اشىلىپ جاتىر. ونىڭ تورىندە ساعادات نۇرماعامبەتوۆكە ەسكەرتكىش اشىلاتىن بولادى. ونى بۇركىتبايەۆ دەگەن تانىمال ءمۇسىنشى جاسادى. ول كوميسسيادان ءوتتى. ماقۇلداندى. بيىكتىگى 5.8 مەتر. ماتەريالى – قولا. مامىر ايىندا وسى ءمۇسىن تولىققاندى اشىلادى»، – دەدى ت.باسقوجايەۆ.
سونداي-اق قۇرلىق اسكەرلەرىنىڭ اسكەري ينستيتۋتىندا كۋرسانتتاردىڭ ومىرىنەن سىر شەرتەتىن تەلەحيكاياسىڭ ءتۇسىرىلىمى اياقتالدى.
وتاندىق تەلەارنا ەكرانىندا 2024 جىلدىڭ 7 مامىرىندا ونىڭ تۇساۋكەسەرى وتەدى.
«الماتىدا اسكەري جاياۋ ينستيتۋتىنىڭ بازاسىندا 40 مينۋتتىق 20 سەريالىق فيلم ءتامامدالىپ قالدى. وسى كىسىنىڭ ومىرلىك جولىمەن قاباتتاس جاس كۋرسانتتىڭ ءومىر جولى كورسەتىلەدى. ول 7 مامىردا «Qazaqstan» تەلەارناسىندا كورسەتىلە باستايدى. مادەنيەت جانە اقپارات مينيسترلىگىمەن پوشتالىق ماركاداعى بەينەسى ماقۇلداندى. ول بۇكىل اسكەري بولىمدەرگە جىبەرىلدى. بۇدان باسقا، ول كىسىنىڭ 3 كىتابى جاڭعىرتۋعا بەرىلدى»، – دەدى ۆەدومستۆو وكىلى.
ق ر قك تاربيە جانە يدەولوگيالىق جۇمىس دەپارتامەنتىنىڭ باستىعى، ادىلەت پولكوۆنيگى تىلەۋحان باسقوجايەۆ راقىمجان قوشقاربايەۆتىڭ 100 جىلدىعىنا وراي وسىعان ۇقساس ءىس-شارالار وتكىزىلەتىنىن اتاپ ءوتتى.