تۇركىستان وبلىسىندا الماتى – شىمكەنت تاسجولىنىڭ 667-شاقىرىمىندا توي كورتەجى جۇرگىزۋشىلەرى جول ەرەجەسىن ورەسكەل بۇزعانى ءۇشىن جاۋاپقا تارتىلدى، دەپ حابارلايدى Aqshamnews.kz Polisia.kz دەرەگىنە سىلتەمە جاساپ.
پوليسيا ينتەرنەت-رەسۋرستاردى مونيتورينگتەۋ كەزىندە بىرنەشە توي كولىگىنىڭ جۇرگىزۋشىلەرى جولدا "جىلان جولىن" جاساپ ءجۇرىپ، وزگە كولىك قوزعالىسىنا كەدەرگى كەلتىرگەنىن انىقتاعان. بارلىق قۇقىقبۇزۋشىلار بىردەي انىقتالىپ، اكىمشىلىك جاۋاپكەرشىلىككە تارتىلدى، ال ولاردىڭ كولىكتەرى ارنايى تۇراققا قويىلدى. ءىس-شارا ۇيىمداستىرۋشىسىنا پروفيلاكتيكالىق ءتۇسىندىرۋ جۇمىسى جۇرگىزىلدى.
بۇعان دەيىن دە مەرەكەلىك كورتەجدەردىڭ قاتىسۋىمەن ءتۇرلى قۇقىقبۇزۋشىلىقتار تىركەلگەنى حابارلانعان. ماسەلەن، ەكىباستۇزدا 6 اۆتوكولىكتەن قۇرالعان توي كورتەجىنە قاتىستى ءتۇرلى باپتار بويىنشا 15 اكىمشىلىك حاتتاما تولتىرىلعان.
ال شىمكەنتتە تۇندە تاسجولدا قارسى باعىتقا شىعۋ، ارتقا ءجۇرىپ قوزعالۋ، تەرەزەدەن ەڭكەيۋ سەكىلدى ءقاۋىپتى ارەكەتتەر جاساعاندار دا جازالانعان. سونداي-اق وقۋ جىلىنىڭ سوڭىندا باكاد تراسساسىندا ءبىتىرۋشى تۇلەكتەردىڭ كورتەجى جول قوزعالىسىن بۇزىپ، اپاتتىق جاعداي تۋدىرعانى ءۇشىن پوليسيا نازارىنا ىلىككەن ەدى.
پوليسيا قوعامدىق ءتارتىپ پەن جول قاۋىپسىزدىگىن ساقتاۋدى، كورتەج كەزىندە دە جول ءجۇرۋ ەرەجەلەرىن قاتاڭ ورىنداۋدى ەسكەرتەدى.