الماتىدا قۇرىلىس-مونتاج جۇمىستارىنىڭ بارىسى، كورىكتەندىرۋ جانە الەۋمەتتىك ماڭىزى بار تاۋارلار باعاسىن باقىلاۋ ماسەلەلەرى قارالدى، - دەپ حابارلايدى اqshamnews.kz ءتىلشىسى.
قالا اكىمى دارحان ساتىبالدىنىڭ توراعالىعىمەن قالا قىزمەتتەرى مەن باسقارما باسشىلارى قاتىسقان كەڭەس ءوتتى. وندا قۇرىلىس-مونتاج جۇمىستارىن جۇزەگە اسىرۋ، اباتتاندىرۋدى قالپىنا كەلتىرۋ جانە الەۋمەتتىك ماڭىزى بار ازىق-تۇلىك تاۋارلار باعاسىنىڭ تۇراقتىلىعىن قامتاماسىز ەتۋ ماسەلەلەرى تالقىلاندى.
ەكونوميكا جانە قارجى باسقارماسىنىڭ دەرەگىنشە، 2025 جىلدىڭ باسىنان بەرى الماتىنىڭ جەرگىلىكتى بيۋدجەتىنىڭ كىرىس بولىگى 1،6 ترلن تەڭگەگە جەتىپ، جىلدىق جوسپاردىڭ 87،4% ورىندالدى. بۇل كورسەتكىش مەگاپوليستىڭ ەكونوميكالىق ءوسىمىنىڭ تۇراقتى قارقىنىن جانە بيۋدجەت ساياساتىنىڭ ءتيىمدى ىسكە اسىرىلىپ جاتقانىن كورسەتەدى. قاراجات ينجەنەرلىك جەلىلەر، الەۋمەتتىك نىساندار قۇرىلىسى مەن قوعامدىق كەڭىستىكتەردى اباتتاندىرۋدى قامتيتىن 600-دەن استام ينفراقۇرىلىمدىق جوبالاردى جۇزەگە اسىرۋعا جۇمسالىپ وتىر.
دارحان ساتىبالدى الەۋمەتتىك ماڭىزى بار ازىق-تۇلىك تاۋارلارى باعاسىنا مونيتورينگتى كۇشەيتۋدى جانە قالانىڭ ازىق-تۇلىك نارىعىنداعى جاعدايدى باقىلاۋ ءۇشىن ۆەدومستۆوارالىق جۇمىس توبىن قۇرۋدى تاپسىردى. ول باعا تۇراقتىلىعى تۇرعىنداردىڭ ءومىر ساپاسىنا تىكەلەي اسەر ەتەتىنىن اتاپ، بۇل باعىتتاعى جۇمىستى جۇيەلى جانە تۇراقتى جۇرگىزۋ قاجەتتىگىن ايتتى.
كەڭەس بارىسىندا «الماتى سۋ» مەملەكەتتىك كوممۋنالدىق كاسىپورنى جەر قازۋ جۇمىسى جۇرگىزىلگەن اۋماقتاردى قالپىنا كەلتىرۋ تۋرالى ەسەپ بەردى. جىل باسىنان بەرى قالادا 2،5 مىڭنان استام قازۋ جۇمىسى تىركەلىپ، ولاردىڭ 90%-دان استامى تولىق قالپىنا كەلتىرىلدى. قالعان اۋماقتاردا اباتتاندىرۋ جۇمىسى اياقتالىپ كەلەدى. اسىرەسە، جابىن ساپاسى مەن اۋماقتى باستاپقى قالپىنا كەلتىرۋگە باسا نازار اۋدارىلىپ وتىر.
قالا اكىمى اپپاراتىنىڭ مالىمەتىنشە، الماتىدا قۇرىلىس-مونتاج جانە قالپىنا كەلتىرۋ جۇمىستارىنا كۇندەلىكتى مونيتورينگ جۇرگىزۋ جۇيەسى ەنگىزىلگەن. ارنايى ءموبيلدى توپتار نىسانداردى ارالاپ، اباتتاندىرۋدىڭ جاي-كۇيىن تىركەيدى جانە انىقتالعان كەمشىلىكتىڭ جەدەل جويىلۋىن قامتاماسىز ەتەدى.
الماتىدا جوسپارلانعان قۇرىلىس-مونتاج جۇمىستارىنىڭ باسىم بولىگى اياقتالۋعا جاقىن. اۋلانى اباتتاندىرۋعا، جول جوندەۋگە جانە قولايلى قوعامدىق كەڭىستىكتەر قۇرۋعا ەرەكشە ءمان بەرىلىپ وتىر. ءىرى جوبالاردىڭ قاتارىندا – ەسەنتاي وزەنىنىڭ جاعالاۋىن قايتا جاڭعىرتۋ جانە باس بوتانيكالىق ب ا ق اۋماعىن جاڭارتۋ بار.
قالادا جۇزدەن استام ينفراقۇرىلىمدىق جانە الەۋمەتتىك جوبا قولعا الىنعان، ولاردىڭ دەنى اياقتالدى. بۇل جۇمىستار ءبىلىم بەرۋ، دەنساۋلىق ساقتاۋ، ينجەنەرلىك جەلىلەر جانە اۋلانى اباتتاندىرۋ باعىتىندا جالعاسىپ جاتىر. ينجەنەرلىك ينفراقۇرىلىم قارقىندى دامىپ كەلەدى، جاڭا مەكتەپتەر، سپورت جانە الەۋمەتتىك نىساندار سالىنىپ، كولىك قولجەتىمدىلىگىن ارتتىرۋ جانە كوممۋنالدىق جۇيەلەردى جاڭعىرتۋ جوبالارى جۇزەگە اسىرىلىپ جاتىر.
دارحان ساتىبالدى اۋدان اكىمدەرى مەن قالا باسقارمالارى باسشىلارىنا جەر قازۋ جۇمىسى جۇرگىزىلگەن اۋماقتاردى قالپىنا كەلتىرۋ قارقىنىن جەدەلدەتىپ، بارلىق جۇمىستى كۇن سۋىتقانعا دەيىن اياقتاۋدى تاپسىردى. ول ءاربىر اۋماق جۇمىستان كەيىن باستاپقى قالپىنا كەلتىرىلۋگە ءتيىس ەكەنىن اتاپ، اباتتاندىرۋ ساپاسىنا باقىلاۋدى كۇشەيتۋدى مىندەتتەدى.