زايسان تۇرعىنىنان گازدى تاپانشا تاركىلەندى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
شىلدە ايىنىڭ سوڭىندا پوليسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا زايسان قالاسىنىڭ سپامبەتوۆ كوشەسىندە 23 جاستاعى تۇرعىندى ۇستاعان. ونى جەكە ءتىنتۋ بارىسىندا تاپانشا جانە وعان ارنالعان ءۇش پاترون تاركىلەندى. ساراپتامانىڭ قورىتىندىسىنا سايكەس، تاركىلەنگەن تاپانشا 1998 جىلى شىعارىلعان 8 مم كاليبرلى يج—79-8 ءوزىن-وزى قورعاۋعا سونداي-اق، ماركالى دىبىستىق سيگنال بەرۋگە ارنالعان گازدى تاپانشا ەكەندىگى، اتىس قارۋى ەمەستىگى بەلگىلى بولدى.
ەر ادام تاپانشانى مارقاكول اۋىلىنداعى اۆتوجولدىڭ بويىنان تاۋىپ الىپ، جەكە پايدالانۋ ءۇشىن قالدىرعانىن ايتتى. اتالعان دەرەككە قاتىستى ق ر اقبتك-نىڭ 482-بابى 1-بولىگى (جەكە جانە زاڭدى تۇلعالاردىڭ قارۋدى زاڭسىز الۋ، بەرۋ، وتكىزۋ، ساقتاۋ، الىپ ءجۇرۋ، تاسىمالداۋ) بويىنشا اكىمشىلىك حاتتاما تولتىرىلدى. وسى باپ ونىڭ نەگىزگى قۇرامداس بولىكتەرىن تاركىلەي وتىرىپ، 20 اەك مولشەرىندە ايىپپۇل تولەۋگە اكەپ سوعادى. ءتارتىپ ساقشىلارى ازاماتتارعا قارۋ مەن وق-دارىلەردى زاڭسىز ساقتاعانى ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعانىن تاعى دا ەسكە سالادى. زاڭسىز ساقتالعان قارۋدى، وق-دارىلەردى جانە جارىلعىش زاتتاردى ءوز ەركىمەن تاپسىرعان ادامدار، ەگەر ولاردىڭ ارەكەتتەرىندە باسقا قىلمىس قۇرامى بولماسا، قىلمىستىق جانە اكىمشىلىك جاۋاپكەرشىلىكتەن بوساتىلادى.