عىلىم كانديداتى دارەجەسى جانە قاۋىمداستىرىلعان پروفەسسور اتاعى ءۇشىن – 93 مىڭ تەڭگە، ال دوكتور دارەجەسى ءۇشىن 185 مىڭ تەڭگە قوسىمشا اقى الاتىن بولادى.
سەنات ءماجىلىس قابىلداعان "قازاقستان رەسپۋبليكاسىنىڭ كەيبىر زاڭنامالىق اكتىلەرىنە عىلىم جانە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭدى ماقۇلدادى، دەپ حابارلايدى اlmaty-akshamy.kz.
زاڭنىڭ نەگىزگى ماقساتى – عىلىم جانە ءبىلىم بەرۋ سالاسىنداعى ۇلتتىق زاڭنامانى ودان ءارى جەتىلدىرۋ.
"قۇجات عىلىمي زەرتتەۋلەردىڭ تيىمدىلىگىن ارتتىرۋدى، عالىمدار ءۇشىن الەۋمەتتىك كەپىلدىكتەردى جاقسارتۋدى جانە عىلىمداعى قارجى رەسۋرستارىن پايدالانۋدى وڭتايلاندىرۋعا باعىتتالعان مەحانيزمدەردى ەنگىزۋدى، سونداي-اق مەرزىمدى اسكەري قىزمەتتىڭ بەلگىلەنگەن مەرزىمىن وتكەرگەن ازاماتتارىمىزعا ءبىلىم الۋدا ءبىرقاتار جەڭىلدىكتەر بەرۋدى كوزدەيدى. اتاپ ايتقاندا، زاڭدا ءبىرقاتار جاڭا وزگەرىستەر مەن تولىقتىرۋلار قاراستىرىلعان. بىرىنشىدەن، جەرگىلىكتى اتقارۋشى ورگاندارعا عىلىم جانە عىلىمي-تەحنيكالىق قىزمەت سالاسىنداعى مەملەكەتتىك ساياساتتى ىسكە اسىرۋ قۇقىعىن بەرۋ ارقىلى، وڭىردە عىلىمي جانە عىلىمي-تەحنيكالىق جوبالار مەن باعدارلامالاردى ۇيىمداستىرۋ جانە ىسكە اسىرۋ بويىنشا قۇزىرەتتەر بەرىلەدى"، - دەدى سەناتور.
ەكىنشىدەن، مەملەكەتتىك جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا عىلىمي-پەداگوگيكالىق قىزمەتپەن اينالىساتىن پەداگوگتارعا جانە عىلىمي-زەرتتەۋ جۇمىستارىن جۇرگىزەتىن عىلىمي قىزمەتكەرلەرگە – عىلىمي اتاعى ءۇشىن 25 ەسەلەنگەن اەك-كە دەيىن جانە "پروفەسسور" – عىلىمي اتاعى ءۇشىن 50 ەسەلەنگەن اەك-كە دەيىن قوسىمشا اقى بەلگىلەۋ ۇسىنىلىپ وتىر، دەپ جالعاستىردى ول. ءقازىر بۇل سايكەسىنشە 17 جانە 34 اەك بولىپ بەلگىلەنگەن.
"ياعني، عىلىم كانديداتى دارەجەسى جانە قاۋىمداستىرىلعان پروفەسسور (دوسەنت) عىلىمي اتاعى ءۇشىن – 93 مىڭ تەڭگە، ال بەيىنى بويىنشا دوكتور دارەجەسى جانە پروفەسسور عىلىمي اتاعى ءۇشىن – 185 مىڭ تەڭگە قوسىمشا اقى الاتىن بولادى. سونىمەن قاتار، جوو-لاردا جانە عىلىمي ۇيىمداردا بەس جىلدان كەم ەمەس جۇمىس ىستەيتىن عالىمدار ءۇشىن عىلىمي، عىلىمي-پەداگوگيكالىق جانە عىلىمي-تەحنيكالىق سيپاتتاعى جۇمىستاردى اياقتاۋ ءۇشىن ورتاشا جالاقىسىن ساقتاي وتىرىپ، 1 جىلعا دەيىن شىعارماشىلىق دەمالىس الۋعا قۇقىق بەرىلەدى. گرانتتىق جانە باعدارلامالىق-نىسانالى قارجىلاندىرۋ جوبالارىنىڭ ءتيىمدى ورىندالۋىن قامتاماسىز ەتۋ ماقساتىندا جوبانىڭ عىلىمي باسشىسىنا كۇنتىزبەلىك جىلعا بەكىتىلگەن جالپى كولەم شەڭبەرىندە قاراجاتتى شىعىندار باپتارى اراسىندا قايتا ءبولۋ قۇقىعى قاراستىرىلعان"، - دەدى تالعات ءجۇنىسوۆ.
زاڭمەن "عىلىمي ادەپ" ۇعىمى ەنگىزىلەدى.
"ۇشىنشىدەن، قازاقستان رەسپۋبليكاسى ازاماتتارىنىڭ مەرزىمدى اسكەري قىزمەتتى وتكەرۋ كەزەڭىندە وتكىزىلەتىن كونكۋرستىق ىرىكتەۋ نەگىزىندە، مەرزىمدى اسكەري قىزمەتتەن شىعارىلعان كۇننەن باستاپ 1 جىل ىشىندە جوعارى اسكەري جانە ارناۋلى، جوعارى جانە جوعارى وقۋ ورنىنان كەيىنگى وقۋ ورىندارىنا تۇسۋگە جەڭىلدىكتەر بەرۋ، سونداي-اق العاشقى جىلى جاتاقحانادان ورىن الۋعا باسىم قۇقىق بەرۋ كوزدەلەدى"، - دەپ اتاپ ءوتتى سپيكەر.