پرەزيدەنت تابيعاتتىڭ توسىن مىنەزىنەن تۋىنداعان بيىلعى سۋ تاسقىنىن بۇرىن-سوڭدى بولماعان ۇلكەن تابيعي اپات دەپ اتاپ، جاۋاپتى ساتتە بارشا ازاماتتى قيىن جاعدايدا قالعان حالىققا قول ۇشىن سوزۋعا شاقىردى. مەملەكەت باسشىسىنىڭ سىن ساعاتتا حالقىمىزعا جاساعان ۇندەۋى «اۋىل» پارتياسى وكىلدەرى تاراپىنان كەڭىنەن قولداۋ تاپتى.
پرەزيدەنت تابيعاتتىڭ توسىن مىنەزىنەن تۋىنداعان بيىلعى سۋ تاسقىنىن بۇرىن-سوڭدى بولماعان ۇلكەن تابيعي اپات دەپ اتاپ، جاۋاپتى ساتتە بارشا ازاماتتى قيىن جاعدايدا قالعان حالىققا قول ۇشىن سوزۋعا شاقىردى. مەملەكەت باسشىسىنىڭ سىن ساعاتتا حالقىمىزعا جاساعان ۇندەۋى «اۋىل» پارتياسى وكىلدەرى تاراپىنان كەڭىنەن قولداۋ تاپتى.
مىڭداعان پارتيالاسىمىز اپات باستالعان كۇننەن توتەنشە جاعدايدىڭ بەل ورتاسىندا ءجۇر. زارداپ شەككەن ايماقتارعا كومەك كورسەتۋ بويىنشا جەدەل شتاب قۇرىپ، اتقاراتىن ءىس-شارا جوسپارىن پىسىقتادى. پارتيا ءتوراعاسى سەرىك ەگىزبايەۆ اقپاراتتىق جانە الەۋمەتتىك جەلىلەردەگى ءوز رەسۋرستارى ارقىلى ۇندەۋ جاريالاپ، ەل باسىنا كۇن تۋعان شاقتا مىڭداعان پارتيالاسىمىزدى ماڭىزدى ىسكە جۇمىلدىرا ءبىلدى.
پارتيا بەلسەندىلەرى بۇگىنگە دەيىن تاسقىن سۋدان زارداپ شەككەن 211 اۋىلدىق وكرۋگ پەن 5 قالا ورتالىعىندا اپاتتىڭ الدىن الۋ جۇمىستارىنا تارتىلدى. اقتوبە، بقو، اتىراۋ، قوستاناي، اقمولا وبلىسىنىڭ تابيعي اپات قۇرساۋىندا قالعان ەلدى مەكەندەرىنە توننالاعان گۋمانيتارلىق كومەك جولدادى. پارلامەنت ماجىلىسىندەگى «اۋىل» پارتياسى فراكسياسىنىڭ دەپۋتاتتارى، ورتالىق اپپارات پەن فيليالدارىنىڭ قىزمەتكەرلەرى، پارتيا بەلسەندىلەرى تاسقىن سۋدان زارداپ شەككەن حالىققا كومەك قولىن سوزۋ ماقساتىندا وزدەرىنىڭ ءبىر كۇندىك جالاقىلارىن اۋداردى. دەپۋتاتتار ءتىلسىز جاۋ زالال كەلتىرگەن اۋىلداردىڭ تۇرعىندارىمەن، شارۋا قوجالىقتارى يەلەرىمەن كەزدەسىپ، ولارعا جەرگىلىكتى فيليالدار دەڭگەيىندە كومەك ۇيىمداستىرۋ ءۇشىن قارعىن سۋ قۇرساۋىندا قالعان وبلىستارعا ارنايى ساپارعا شىقتى.
وڭىرلىك فيليالداردىڭ 900-دەن اسا بەلسەندى مۇشەسى مەن جاستار قاناتىنىڭ 1 500 بەلسەندىسى اپاتتىڭ الدىن الۋعا ارنالعان ءىس-شارالارعا قاتىسىپ جاتىر. سونىمەن قاتار پارتيا قاتارىنداعى كاسىپكەرلەر مەن فەرمەرلەر بولگەن 76 اۋىر تەحنيكا اتىراۋ، بقو، سقو، قوستاناي، اقمولا وبلىسى ايماقتارىنداعى اۋىلداردا تابيعي اپاتتىڭ الدىن الۋ جۇمىستارىنا تارتىلدى.
بۇل جەردە جاستار قاناتىنىڭ جۇمىسىنا توقتالماي كەتۋ مۇمكىن ەمەس. ولار اتىراۋ وبلىسىندا جامبىل وبلىستىق فيليالى جيناپ، جونەلتكەن 30 توننا گۋمانيتارلىق كومەكتى مۇقتاج جاندارعا تاراتىپ، قۇرمانعازى اۋدانىندا زارداپ شەككەندەرگە ارناپ 14 قاناتتى كيىز ءۇي تىكتى. باتىس قازاقستان وبلىسىندا شىمكەنت قالاسىنداعى فيليال جيناپ، جونەلتكەن 2 جۇك ماشيناسىنداعى گۋمانيتارلىق كومەكتى قابىلداپ الىپ، ونى جەرگىلىكتى ورگانداردىڭ ءتىزىمى بويىنشا زارداپ شەككەن تۇرعىندارعا تاراتتى. ەكى وبلىستا دا بوگەتتەر تۇرعىزۋ ءۇشىن قاپتارعا قۇم تولتىرۋمەن اينالىستى. «ءبىز – بىرگەمىز!» اكسياسى اياسىندا سولتۇستىك قازاقستان وبلىسىنا 210 سۋ سورعىش اگرەگاتى مەن ەلەكترگەنەراتورلاردى استانا اۋەجايىنان ۇشاققا ارتۋعا قاتىستى. سولتۇستىك قازاقستانعا قوسىمشا 15 توننا اۋىزسۋ مەن 60 توننا ازىق-تۇلىك جيناپ جىبەردى. ءقازىر اتالعان ايماقتا 80-گە جۋىق پارتيا ۆولونتەرى الەۋمەتتىك ماڭىزى بار نىساندارعا، الىس اۋىل-قىستاقتارعا كومەك كورسەتىپ ءجۇر.
«اۋىل» پارتياسى تاسقىننىڭ الدىن الۋ جانە قارعىن سۋدان زارداپ شەككەن تۇرعىندارعا كومەك كورسەتۋمەن قاتار، تاسقىننان كەلگەن زالالدى جۇيەلى نەگىزدە باعالايتىن كوميسسيالار جۇمىسىنا دا بەلسەندى اتسالىسىپ جاتىر. اۋىل ماسەلەلەرىن جاقسى بىلەتىن پارتيا مۇشەلەرى، ءماسليحات دەپۋتاتتارى ەل اۋماعىندا قۇرىلعان 16 كوميسسيانىڭ قۇرامىنا ەندى.
ازاماتتارىمىزدىڭ ءدال وسىنداي بىرلىگى مەن بىر-بىرىنە دەگەن قامقورلىعى، تابيعي اپاتتان جاپا شەككەن جاندارعا دەگەن جاناشىرلىعى كوڭىلگە ءۇمىت، جۇرەكتەرگە جىلىلىق سىيلايتىن جايت. كەلتىرىلگەن زياننىڭ ورنىن تولتىرۋ دا حالقىمىزدىڭ ءبىر جاعادان باس، ءبىر جەڭنەن قول شىعارىپ ارەكەت ەتۋىن قاجەت ەتەدى. سول سەبەپتى دە «اۋىل» پارتياسى ءتوراعاسىنىڭ باستاماسىمەن سۋ باسقان ءۇي-جايلاردى قالپىنا كەلتىرۋ ءۇشىن جاستاردىڭ قۇرىلىس وتريادتارىن قۇرۋ ۇسىنىلدى. ەل كولەمىندە مۇنداي اۋقىمدى باستامانى جۇزەگە اسىرۋ ءۇشىن بارلىق جاس ۇيىمدارى مەن جوعارى وقۋ ورىندارىنىڭ باسشىلارى قازىردەن باستاپ ۇيىمداستىرۋ جۇمىستارىن قولعا السا يگى. مۇنداي يگى ءىس قيىندىققا تاپ بولعان وتانداستارىمىز ءۇشىن ناقتى كومەك، وسكەلەڭ جاستارىمىز ءۇشىن ومىرلىك تاجىريبە ءارى ونەگەسى مول باستاما بولماق.