بۇل تۋرالى ءماجىلىستىڭ الەۋمەتتىك-مادەني دامۋ كوميتەتىنىڭ وتىرىسىندا تۋريزم جانە سپورت ءمينيسترى ەرمەك مارجىقپايەۆ ايتتى، دەپ حابارلايدى اlmaty-akshamy.kz.
ماڭىزدى وقيعا – ەلوردادا دۇنيەجۇزىلىك كوشپەندىلەر ويىندارىن وتكىزۋ. ويىندارعا 100-دەن استام ەلدەن جالپى سانى 3000-عا جۋىق ادامنان تۇراتىن دەلەگاسيالار قاتىسادى دەپ كۇتىلىپ وتىر. بۇگىنگى تاڭدا 75 ەل قاتىساتىنىن رەسمي تۇردە راستادى، - دەدى ول.
مارجىقپايەۆ اتاپ وتكەندەي، وىندارعا بيلەتتەر ساتىلا باستادى. بۇكىل ەل بويىنشا جارنامالىق ناۋقاننىڭ "ەكىنشى تولقىنى" باستالدى.
سپورتتىق ويىن باعدارلاماسى 20 جارىستىق جانە 10 كورنەكى سپورت ءتۇرىن قامتيدى. 110 مەدال جيىنتىعى ويناتىلادى.
جارىس ات سپورتى، ۇلتتىق كۇرەس، ساداق اتۋ، قۇسبەگىلىك، ءداستۇرلى زياتكەرلىك ويىندار بويىنشا وتەدى.
ويىنداردى ساپالى ۇيىمداستىرۋ جانە وتكىزۋ ءۇشىن مينيسترلىك بارلىق قاجەتتى جۇمىستاردى جۇرگىزىپ جاتىر، - دەدى سپورت ءمينيسترى وتىرىستا.
سونىمەن بىرگە ەل وڭىرلەرىندەگى كۇردەلى سۋ تاسقىنى جاعدايلارىنا بايلانىستى، سونداي-اق مەملەكەت باسشىسىنىڭ تاپسىرماسى بويىنشا بيۋدجەت قاراجاتىن ۇنەمدەۋ ماقساتىندا ويىنداردى وتكىزۋ شىعىندارىن قىسقارتۋ ماسەلەسى قاراستىرىلىپ جاتىر دەپ ءتۇسىندىردى مينيستر.
21 ناۋرىزدا استانا قالاسىندا 5ء-شى دۇنيەجۇزىلىك كوشپەندىلەر ويىندارىنىڭ كەرى ساناق تاقتاسى سالتاناتتى تۇردە ىسكە قوسىلعانىن ەسكە سالا كەتەيىك.
بۇل ءىس-شارا ءماجىلىس ءتوراعاسى ەرلان جاقان ۇلى قوشانوۆ باستاعان ءبىرقاتار دەپۋتات، دۇنيەجۇزىلىك ەتنوسپورت كونفەدەراسياسىنىڭ پرەزيدەنتى ءبىلال ەردوعان جانە ءمينيستردىڭ قاتىسۋىمەن وتكەن بولاتىن.