قازاقستاندا 20 مىڭنان استام عالىم بار.
ونىڭ 40 پايىزى - جاستار. بۇل ەۋروپا ەلدەرىمەن سالىستىرعاندا جاقسى كورسەتكىش دەيدى ماماندار. دەگەنمەن اتالعان سالانىڭ ءالى دە بولسا كەمشىن تۇستارى كوپ. بۇل تۋرالى عىلىمي قىزمەتكەرلەر كۇنىنە وراي الماتىدا وتكەن حالىقارالىق كونفەرەنسيادا ايتىلدى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
شاراعا الەمنىڭ جەتەكشى وقۋ ورىندارىنىڭ، وتاندىق زەرتتەۋ ۇيىمدارىنىڭ عالىمدارى قاتىسىپ، سالانىڭ دامۋ قارقىنىن تالقىلادى. ولاردىڭ سوزىنشە، بۇگىنگى تاڭدا قازاقستاندا عىلىمدى قارجىلاندىرۋ ەكى ەسەگە وسكەن. قىزمەتكەرلەردىڭ دە جالاقىلارى ۇلعايىپ، جاس عالىمداردىڭ سانى كوبەيگەن.
«ءقازىر عىلىمنىڭ پروبلەمالارىن قارايتىن ۇلتتىق كەڭەس بار. ءقازىر عالىمداردىڭ ستاتۋسى تۋرالى ارنايى زاڭ جوباسى ازىرلەنىپ جاتىر. بۇعان قازاقستانداعى وقۋ ورىندارى، عىلىمي زەرتتەۋ ورتالىقتارى قاتىسىپ جاتىر. بىلايشا، عالىمنىڭ ستاتۋسى زاڭدى تۇردە بەكىتىلىپ جاتىر دەپ ايتۋعا بولادى»، - دەيدى عالىم، پروفەسسور سەيتحان ازات ۇلى.
.