ق ر ىشكى ىستەر مينيسترلىگى تۇرمىستىق زورلىق-زومبىلىققا قارسى كۇرەستىڭ تيىمدىلىگىن ارتتىرۋ بويىنشا كەشەندى شارالار قابىلداپ جاتىر.
حالىقارالىق تاجىريبەنى زەردەلەۋ بارىسىندا، وتباسىنداعى زورلىق-زومبىلىقتىڭ الدىن الۋدىڭ ءتيىمدى ادىستەرىنىڭ ءبىرى ونتاريو پوليسياسىنىڭ مىنەز-قۇلىق عىلىمدارى جانە تالداۋ ءبولىمى مەن Waypoynt پسيحيكالىق دەنساۋلىق ورتالىعىنىڭ زەرتتەۋشىلەرى جاساعان “ODARA” ادىستەمەسىنە سايكەس قايتالاناتىن قۇقىقبۇزۋشىلىقتاردىڭ تاۋەكەلدەرىن باعالاۋ بولىپ تابىلادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇل ODARA ساۋالناماسى ايەلدەرگە قازىرگى، بۇرىنعى جۇبايىمەن نەمەسە بىرگە تۇراتىن ادامىمەن قارىم-قاتىناسىندا كەزدەسەتىن قاۋىپتەر تۋرالى كەڭەس بەرۋ، وعان جاسالعان شابۋىل دەرەگىنىڭ الدىن الۋ ءۇشىن قايتادان پوليسياعا حابارلاسۋ ءۇشىن پايدالانىلادى. بۇل قۇرالدى قولدانۋ اگرەسسوردى ءسوزسىز باس بوستاندىعىنان ايىرۋعا ەمەس، ونىڭ تولىق ومىرگە ورالۋىنا جانە زارداپ شەككەن تاراپپەن تاتۋلاسۋىنا باعىتتالعان. وسىلايشا، نەمىس قوعامىندا اگرەسسور تەك قۇقىق بۇزۋشى رەتىندە عانا ەمەس، پسيحولوگيالىق كومەككە مۇقتاج ادام رەتىندە دە قابىلدانادى. سوندىقتان قۇقىق قورعاۋ ورگاندارى ۇەۇ-مەن بىرلەسە وتىرىپ، اگرەسسوردىڭ ءوتىنىشى نەگىزىندە ونى پسيحوكوررەكسيالاۋ – اگرەسسيانى باسقارۋ بويىنشا 1 جىل مەرزىمگە كۋرستار جۇرگىزەدى. جانۇياسىن ساقتاپ قالۋدى ماقسات تۇتقان اگرەسسور ءوز ەركىمەن كۋرستارعا بارعان جاعدايدا، بۇل جۇمىس ءتيىمدى اسەر ەتەتىنىن ەسكەرگەن ءجون. سونداي-اق، بۇل ساۋالناما وتباسىلىق جانجالدىڭ ءاربىر تىركەلگەن دەرەگىنە قاتىستى ەمەس، جابىرلەنۋشىلەردىڭ ءومىرى مەن دەنساۋلىعىنا ناقتى ءقاۋىپ تونگەن جەكەلەگەن جاعدايلاردا عانا قولدانىلاتىنىن ايتا كەتكەن ءجون»، – دەدى الماتى قالالىق پد جپقب ايەلدەردى زورلىق-زومبىلىقتان قورعاۋ ءبولىمىنىڭ اعا ينسپەكتورى اقبوتا ءابىلقاسىموۆا.
بۇرىن حابارلانعانداي، قازاقستاندا “ODARA” جوباسى 2023 جىلعى 9 اقپان كۇنى استانادا وتكەن “ارىپتەستىك – تۇرمىستىق زورلىق-زومبىلىقتىڭ الدىن الۋ قۇرالى” فورۋمىندا تانىستىرىلدى. سونداي-اق بۇل ادىستەمەنى پيلوتتىق رەجيمدە استانا، الماتى جانە پاۆلودار قالالارىندا ەنگىزۋ تۋرالى شەشىم قابىلداندى.
«قۇقىقبۇزۋشى تاراپىنان قۇقىقبۇزۋشىلىقتىڭ قايتالانۋ ىقتيمالدىعىن باعالاۋ، تۇرمىستىق زورلىق-زومبىلىق بولعان جەرگە كەلگەن پوليسيا ينسپەكتورى قويعان جانە بەلگىلەگەن 13 سۇراق بويىنشا جۇرگىزىلەدى. وسى سۇراقتاردىڭ ءارقايسىسى قايتالانۋدى ايتارلىقتاي جانە تاۋەلسىز تۇردە بولجايدى. ءاربىر پۋنكتكە 0 نەمەسە 1 ۇپاي قويىلادى، ال جالپى ۇپاي سۇراقتاردىڭ قوسىندىسى بولىپ تابىلادى. ءاربىر وڭ جاۋاپ ءۇشىن ۇپاي بەرىلەدى. 5 نەمەسە ودان جوعارى بالل – زورلىق-زومبىلىقتىڭ كۇشەيۋىنەن قورعاۋ ءۇشىن ارالاسۋدى قاجەت ەتەتىن جاعداي. الماتى پد قالالىق دەنساۋلىق ساقتاۋ باسقارماسىمەن بىرلەسىپ، “ODARA” تاۋەكەلدەرىن باعالاۋدى جۇزەگە اسىرۋ بويىنشا پيلوتتىق جوبا اياسىندا ىنتىماقتاستىق تۋرالى مەموراندۋم جاسالعان. بۇگىندە قالانىڭ ءار ەمحاناسىندا پسيحولوگ كابينەتتەرى اشىلىپ، تۇرمىستىق زورلىق-زومبىلىق جاساعان تۇلعالارعا پسيحولوگيالىق-پسيحياتريالىق، مەديسينالىق-پروفيلاكتيكالىق كومەك كورسەتۋ جانە مەديسينالىق وڭالتۋ شارالارىن وتكىزۋ ءۇشىن ەرىكتى تۇردە جىبەرىلەتىن بولادى»، – دەدى اقبوتا ءابىلقاسىموۆا.
وسى جوبانىڭ ناتيجەلەرى بويىنشا “ODARA” قۇرالىنىڭ تيىمدىلىگى، بۇل قۇرال ارقىلى سىناقتان وتكەن ادامداردىڭ وتباسى-تۇرمىستىق قاتىناستار سالاسىنداعى قۇقىق بۇزۋشىلىقتاردىڭ قايتالانۋى بويىنشا باعالاناتىن بولادى. وتباسى-تۇرمىستىق قاتىناستار سالاسىندا قايتالاناتىن قۇقىق بۇزۋشىلىقتاردىڭ سانىن ازايتۋ، سونداي-اق ولاردىڭ جاسالۋ سەبەپتەرى مەن شارتتارىن انىقتاۋ كۇتىلىپ وتىر.