كۇندەلىكتى اس كەزىندە جەگەن تاماعىمىزعا، ىشكەن شايىمىزعا قانت قوسۋ بۇيرەكتە تاستاردىڭ ءتۇزىلۋ ءقاۋپىن ارتتىرادى.
سولتۇستىك سىچۋان مەديسينالىق كوللەدجىنىڭ عالىمدارى وسىنداي قورىتىندىعا كەلدى.
ولاردىڭ زەرتتەۋ ناتيجەلەرىن Frontiers in Nutrition جۋرنالى ۇسىندى.
عالىمدار 28 مىڭنان استام ەرەسەك ايەلدەر مەن ەرلەر تۋرالى دەرەكتەرگە تالداۋ جاسادى. زەرتتەۋ بارىسىندا ولار بۇيرەكتەرىندە تاستارى بار ەكەنىن ايتقان. سونىمەن قاتار، قاتىسۋشىلاردان سوڭعى كۇندەرى سيروپتاردى، بالدى نەمەسە تازا قانتتى جەگەن-جەمەگەنىن ءبىلۋ كەرەك بولدى.
Frontiers in Nutrition باسىلىمى تاماق راسيونىندا قانتتىڭ ۇلەسى نەعۇرلىم جوعارى بولسا، بۇيرەكتە تاستاردىڭ پايدا بولۋ ىقتيمالدىعى سوعۇرلىم جوعارى بولاتىنىن اتاپ ءوتتى.
عالىمدار سونىمەن قاتار زەرتتەۋگە قاتىسۋشىلاردىڭ جىنىسىن، جاسىن، سالماعىن، تابىسىن، تاماقتانۋ ساپاسىن، قانت ديابەتىنىڭ بار-جوعىن جانە تەمەكى شەگۋ-شەكپەۋىن قاراستىردى.
ەگەر كامپيتتەردە، بالمۇزداقتا نەمەسە كونديتەرلىك ونىمدەردە كەزدەسەتىن قانتتى تۇتىنۋدى شەكتەسە، بۇيرەك تاستارىنىڭ پايدا بولۋىن بولدىرماۋعا بولاتىندىعى انىقتالدى.
اۋرۋدىڭ بەلگىلەرى قاتتى اۋىرسىنۋ، جۇرەك اينۋ، قۇسۋ، قالتىراۋ جانە زارمەن بىرگە قان شىعۋ ەكەنىن ەسكەرگەن ءجون.
بىرنەشە اي بۇرىن ناتاليا موكرىشيەۆا ەسىمدى رەسەيلىك مامان بۇيرەك تاستارىنىڭ سەبەبى سەمىزدىك بولۋى مۇمكىن ەكەنىن ايتقان بولاتىگ. ول دا قانت ديابەتىنە، ءبىرقاتار جۇرەك-قان تامىرلارى اۋرۋلارىنا، ارتەريالىق گيپەرتەنزياعا، مايلى گەپاتوزعا، ونكوپاتولوگيا مەن بەدەۋلىكتىڭ دامۋىنا اكەلەدى.
ءبىر عانا ءسات باقىت سىيلايتىن ءتاتتىنى، سونىڭ ىشىندە قانتتى تۇتىنۋدىڭ ارتى دەنساۋلىق ءۇشىن «قاتتى» ءتيۋى مۇمكىن. سوندىقتان، الدىمىزداعى اسىمىزدىڭ ءوزىمىزدىڭ دەنساۋلىعىمىزعا كەرى اسەرى بولمايتىنىنا اسا ءمان بەرگەن دۇرىس بولار.
ماتەريال رەن-تۆ سايتىندا جاريالانعان ماتەريال نەگىزىندە ازىرلەندى