وتاندىق دارىگەرلەر سيرەك كەزدەسەتىن وتا جاسادى

ناقتىراق ايتقاندا، دارىگەرلەر ناۋقاستىڭ تىلىنە وپەراسيا جاسادى.

ۇلتتىق عىلىمي ونكولوگيا ورتالىعىنىڭ ماماندارى سيرەك كەزدەسەتىن ماكروگلوسسيا دەپ اتالاتىن دياگنوزى بار 62 جاستاعى ناۋقاستىڭ ءتىلىن رەزەكسيالاۋ بويىنشا بىرەگەي وتا  جاسادى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.

ق ر دەنساۋلىق ساقتاۋ مينيسترلىگىنىڭ مالىمەتىنشە، ناۋقاستىڭ ءتىلىنىڭ مولشەرى شامادان تىس ۇلكەيىپ كەتكەن: ۇزىندىعى 16-18 سم-گە دەيىن، ال ەنى 10 سم شاماسىندا بولعان.

ماكروگلوسسيا - ءتىلدىڭ شامادان تىس ۇلعايۋىمەن سيپاتتالاتىن سيرەك كەزدەسەتىن پاتولوگيا. بۇل اۋرۋعا شالدىققان جاننىڭ ءتىلى اۋزىنا سىيمايدى، سوندىقتان كەيبىر ناۋقاستار ءجيى اۋزىن اشىپ جۇرۋگە ءماجبۇر بولادى. ماكروگلوسسيا كوبىنەسە تىنىس الۋدىڭ، جۇتىنۋ جانە سويلەۋدىڭ  بۇزىلۋىنا اكەلەدى، ءومىر ءسۇرۋ ساپاسىن ەداۋىر ناشارلاتادى. مۇنداي جاعدايلاردا وسى پاتولوگيانى حيرۋرگيالىق ەمدەۋدىڭ قاجەتتىلىگى تۋادى.

مۇنداي پاتولوگيا سيرەك كەزدەسەتىندىكتەن جانە حيرۋرگيالىق تاجىريبەنىڭ بولماۋىنا بايلانىستى بارلىق مەديسينالىق مەكەمەلەر مۇنداي وتانى جاساۋعا دايىن ەمەس.

ناۋقاس ۇيقى كەزىندە تىنىس الۋدىڭ، جۇتىنۋدىڭ جانە سويلەۋدىڭ بۇزىلۋىنان زارداپ شەكتى. سوماتيكالىق جاعداي ءبىرقاتار قاتار جۇرەتىن اۋرۋلاردى كۇشەيتتى.

اۋىر سوماتيكالىق جاعدايدى ەسكەرە وتىرىپ، پاسيەنتتى كارديولوگتار، كارديوحيرۋرگتار، نيەۆروپاتولوگتار، ەندوكرينولوگتار 3 اي بويى مۇقيات زەرتتەپ-قارادى. وسىدان كەيىن، ۇعوو باسشىلىعىنىڭ ماقۇلداۋىمەن ناۋقاس ەمدەۋگە جاتقىزىلدى. حيرۋرگتار بريگاداسى ب.د.شالابايەۆ، د.سەرىكباي ۇلى، ا.ا.نۇرجانوۆ وتانى ءساتتى جاساپ شىقتى. 

ەكى ايدان استام ۋاقىت وتكەننەن كەيىن وتانىڭ وڭ ناتيجەسى انىقتالدى. ناۋقاستىڭ ءتىلى ادەتتەگى ولشەمگە يە بولدى.