وسى ارقىلى جاس ورەن قامىس ءورتىن ازايتۋعا بولادى دەيدى.
جاس ونەرتاپقىش قامىستى قۇرىلىس ماتەريالى رەتىندە پايدالانىپ، كادەگە جاراتۋدى ۇسىنىپ وتىر. سول ارقىلى قامىس ورتىنەن كەلەتىن ءقاۋىپتى ازايتىپ، ەكولوگيا ماسەلەسىن رەتتەۋگە جول اشىلادى دەيدى ول.
24.kz ارناسىنىڭ اقپاراتىنشا، جانەل شايدوللا قامىس ءورتى ءجيى بولاتىن دامبى اۋىلدىق وكرۋگىندە تۇرادى. تەڭىز جاعاسىنداعى قامىس جانسا، الدىمەن وسى ەلدىمەكەن تۇرعىندارى ابىگەرگە تۇسەدى. بيىل 10-سىنىپقا باراتىن جاس ونەرتاپقىش بۇل ماسەلەنى زەرتتەپ، شەشۋ جولىن تاپتى، دەپ حابارلايدى Almaty-akshamy.kz.
«بىرنەشە اپتا بۇرىن قامىس ءورتى بولعان ەدى. ونىڭ اسەرىنەن قورشاعان ورتاعا، ادام دەنساۋلىعىنا زيان كەلدى. بۇل جايت بىرنەشە رەت قايتالانىپ وتىر جانە وسى جايتتىڭ الدىن الۋ ءۇشىن وسىلاي قامىستان شاتىر جاساۋعا بولادى. ياعني ياعني وسىلايشا بۇل پروبلەمانى شەشە الامىز. قورشاعان ورتاعا ەمەس، سۋ رەسۋرسىنا دا زيان كەلتىرىپ وتىر. وسى بىرنەشە اپتا بۇرىن بولعان جايتتا 167 رەت 500 توننادان استام سۋ وسى ءورتتى سوندىرۋگە كەتكەن»، - دەيدى جاس ونەرتاپقىش جانەل شايدوللا.
شەتەلدە قامىس قۇرىلىس ماتەريالى رەتىندە كوپ قولدانىلادى. بۇدان شاتىر دايىنداۋعا بولادى. ءتىپتى قامىس ارالاستىرىپ قۇيىلعان بەتونداردان ءۇيدىڭ قابىرعاسىن دا تۇرعىزىپ جاتادى. ونى ەكسپورتتاپ، تابىس كوزىنە اينالدىرۋعا بولادى، دەيدى وقۋشى. وسىلايشا قامىس ورتىنەن قۇتىلۋعا مۇمكىندىك تۋادى. جانەلدىڭ بۇل باستاماسى جەتەكشىلەرىنە ۇناعان. ەندى ول ءوز جوباسىن جەتىلدىرۋدى جوسپارلاپ وتىر.
«قۇرىلىس ماتەريالداردى ءوزىمىز جاساپ، نەگە ءوزىمىز قولدانباسقا نەمەسە ەكسپورتقا شىعارماسقا دەگەن يدەيا كەلدى بىزگە. جالپى اتا-بابالارىمىز وسى ۋاقىتقا دەيىن قامىستى ءۇي جاساۋدا قولدانعان، ودان بولەك شي توقىعان، مال ازىعى رەتىندە قولدانعان دەگەن سەكىلدى كوپتەگەن پايدالى جاقتارى بار. قامىستان جاسالعان بەتوندار، پليتالار وتە ءتيىمدى بولىپ سانالادى. ۇيگە تەرموتيىمدىلىك بەرەدى. جازدى سالقىن، قىستا جىلى بولادى»، - دەيد تالىمگەر نۇرگۇل يمامۇراتوۆا.
اتىراۋ اۋماعىندا سوڭعى رەت ءىرى قامىس ءورتى 10 كۇن بۇرىن تىركەلدى. جانەلدىڭ جوباسى تەرەڭ زەرتتەلسە، كۇرمەۋلى ماسەلەنى شەشۋگە كومەگى تيەتىنى ءسوزسىز.