شەتەلدىك جانە وتاندىق عالىمدار بىرلەسىپ الماتى اۋاسىنىڭ لاستانۋ دەڭگەيىن انىقتاماق.
نارحوز ۋنيۆەرسيتەتىنىڭ عالىمدارى حەلسينكي ۋنيۆەرسيتەتىمەن بىرلەسىپ الماتى قالاسى اۋاسىنىڭ لاستانۋىن زەرتتەۋدى باستادى، دەپ حابارلايدى Almaty-akshamy.kz نارحوز ۋنيۆەرسيتەتىنىڭ باسپا ءسوز قىزمەتىنە سىلتەمە جاساپ.
بۇل جوبانى ىسكە اسىرۋ ءۇشىن فين ماماندارى جاڭادان 17 باقىلاپ-زەرتتەۋ قۇرىلعىسىن جاساپ شىعاردى. ولاردىڭ كومەگىمەن اۋا لاستانۋىنىڭ ءتۇرلى دەڭگەيلەرىن انىقتاۋعا بولادى.
قۇرىلعىلار ەكولوگيا، گەولوگيا جانە تابيعي رەسۋرستار مينيسترلىگىنە قاراستى "قازگيدرومەت" رمك ۇيىمىنا تاپسىرىلدى جانە ستاسيونارلىق بەكەتتەرگە ورنالاستىرىلۋدا. وسىلايشا مەگاپوليس اۋاسىنىڭ ناقتى لاستانۋ دەڭگەيىن انىقتاۋعا مۇمكىندىك تۋىپ وتىر. الىنعان اقپارات ءموبيلدى قوسىمشا ارقىلى تەلەفون بەتىندە بىردەن كورىنەتىن بولادى. جىل سوڭىنا دەيىن مالىمەتتەر تولىق جيناقتالىپ، تالداۋدان وتەدى. زەرتتەۋ ناتيجەلەرى كوپشىلىك ءۇشىن جاريالانادى.
اتموسفەرالىق اۋانىڭ لاستانۋ ماسەلەلەرىن شەشۋگە باعىتتالعان اتالمىش جوبا بۇۇ-نىڭ قورشاعان ورتا تۋرالى باعدارلاماسىنىڭ تۇجىرىمداماسىنا سايكەس جۇرگىزىلەتىنىن اتاپ ءوتۋ كەرەك.
«اۋانىڭ لاستانۋى – بۇل الماتى قالاسىنداعى ەڭ وزەكتى ماسەلەلەردىڭ ءبىرى. ءبىز فيندىك ارىپتەستەرىمىزدىڭ اتسالىسۋىمەن بۇل ماسەلەنى شەشۋگە تاعى ءبىر قادام جاسايتىن جوبانى ىسكە اسىرا الامىز. اقپاراتتىڭ داچيكتەن بىردەن موبيلدىك قۇرىلعىعا تىكەلەي جىبەرىلەتىنى وتە ىڭعايلى. ياعني ۇيىنەن شىققان ءاربىر ادام ءوز جولىنداعى لاستانعان جەرلەردى اينالىپ وتەتىندەي ەتىپ ءوز باعىت-باعدارىن رەتتەي الادى. ال عالىمدار مەن ماماندار ەكولوگيالىق ماسەلەلەردى شەشۋدە نەعۇرلىم ناقتى دەرەكتەردى پايدالانا الادى»، - دەدى نارحوز ۋنيۆەرسيتەتىنە قاراستى تۇراقتى دامۋ عىلىمي-زەرتتەۋ ينستيتۋتىنىڭ ديرەكتورى، عىلىم دوكتورى برەندان ديۋپرەي.
نارحوز ۋنيۆەرسيتەتىنىڭ ماماندارى «قازگيدرومەت» قىزمەتكەرلەرىنە داچيكتى دۇرىس قولدانۋدى ۇيرەتتى. سوداي-اق، بۇل جوبا وسىعان دەيىن الماتى قالاسى ەكولوگيا دەپارتامەنتىنە دە تانىستىرىلعان بولاتىن.
عالىمداردىڭ سوزىنە سۇيەنسەك، بۇل جوبا ەكولوگيالىق ماسەلەلەردى ودان ءارى زەرتتەۋگە، ءتيىستى شەشىمدەر قابىلداۋعا، عالىمداردىڭ، شاعىن كاسىپورىندار مەن قالا ماماندارىنىڭ مۇمكىندىكتەرىن كەڭەيتۋگە كومەكتەسەدى. قالا تۇرعىندارى دا ءموبيلدى قوسىمشاداعى مالىمەتتى پايدالانۋ ارقىلى قالانىڭ ەڭ لاس ايماقتارىنان اۋلاق ءجۇرىپ-تۇرۋعا، دەمالۋعا مۇمكىندىك الادى.