عالىمدار كۇن داۋىلىنىڭ جاعىمسىز اسەرى بولاتىنىن ەسكەرتۋدە

بۇگىن – 17 شىلدە، دۇيسەنبىدە جەر بەتىنە كۇن داۋىلىنىڭ جاعىمسىز اسەرى بولۋى مۇمكىن دەپ ەسكەرتەدى عالىمدار.

كۇن بەتىندەگى ادەپكىدەن قۋاتتى جارىلىس ءۇش بىردەي كۇن الاۋىن پايدا قىلعان.  ودان شىققان داۋىل جەرگە جاعىمسىز اسەرلەرىمەن جەتەدى.

بۇنداي ەسكەرتۋدى ماسكەۋدەگى فەدوروۆ اتىنداعى قولدانبالى گەوفيزيكا ءينستيتۋتىنىڭ عالىمدارى جاساعان. ينستيتۋت عالىمدارىنىڭ مالىمدەمەسىنە  جەكسەنبىدە كۇن بەتىنەن بايقالعان ءۇش بىردەي ۇلكەن الاۋ سەبەپ بولعان. بۇنى X كلاسىنداعى الاۋلار، سونىڭ ىشىندە پروتوندىق الاۋلاردىڭ بولۋى مۇمكىن دەپ بولجاپ وتىر. ونىڭ جەردەگى اسەرى قىسقا تولقىندى راديو قابىلداعىشتاردان بايقالادى. وزگە دە جاعىمسىز اسەرلەرى بولۋى مۇمكىن.

شىنتاۋيتىندا، كۇن داۋىلى دەگەنىمىز جەردەگى كادىمگى داۋىلعا مۇلدە ۇقسامايدى. ول اسا قاتەرلى رادياسيالىق ساۋەلەلەرگە يە كۇن ەنەرگياسىنىڭ داۋىلى. ەگەر جەردى ءوزىنىڭ ماگنيتتىك ءورىسى جانە اتموسفەراسى قورعاپ تۇرماعاندا، بۇنداي قۋاتتى كۇن داۋى تىرشىلىكتى بىرنەشە سەكۋنتتىڭ ىشىندە جويىپ جىبەرۋى مۇمكىن.

X كلاسىنداعى الاۋلار كۇن جۇيەلەرىندەگى ەڭ ۇلكەن جارىلىستار بولىپ تابىلادى جانە ۇزاققا سوزىلاتىن رادياسيالىق داۋىلداردى تۋدىرۋى مۇمكىن. پروتوندىق الاۋلار - بۇل نەگىزىنەن پروتوننان تۇراتىن كۇن ەنەرگياسى بولشەكتەرىنىڭ داۋىلدارى.